Actuación de Federico Pérez no "Novembro, mes do humor"

O monologuista presenta en Fene o seu espectáculo "A noite do capador"

Por Josito ou Moncho, os personaxes que interpreta en Padre Casares e Era visto! coñéceno en media Galicia. Este lingüista metido a actor, mazaricano de trinta e oito anos, é xa un dos grandes da ficción no audiovisual galego.
 
Como humorista, Federico Pérez é un dos máis experimentados de toda Galicia. Con máis de 15 anos de experiencia nas nosas pantallas e máis de 5 anos de experiencia nos escenarios, é un dos máis recoñecidos actores da nosa terra. Recén estreada, A noite do capador, é a súa última obra na que participou na creación o dramaturgo Jose Luís Prieto.