Data de inicio: 03-05-2019 . Data de fin: 14-05-2019
No 2015 nace a mostra “Mademoiselles e outros personaxes” que se presenta por primeira vez no Hospital Lucus Augusti de Lugo. Nestes catro anos as “mademoiselles” (un total de vinte) foron quedando por algures. Cada unha delas foi decidindo o seu destino (como non podía ser doutro xeito) e algunha atópase ben lonxe (Marrocos, Francia, Irlanda, Dinamarca…). No seu lugar vanse incorporando novos PERSONAXES cheos de cor, tal e como Carmen os ve e os sinte. Seguen a ser maioritariamente figuras femininas (a prensa xa comeza a denominala “a pintora das mulleres”) que, de seguro, voltarán a sorprender.