O Concello renova a cuberta e acondiciona o exterior da caseta do parque lineal do Cádavo
01-08-2018
Trátase dun espazo de encontro moi utilizado pola veciñanza
O Concello de Fene, a través da Concellería de Servizos, vén de concluír os traballos de acondicionamento da caseta do parque lineal do río Cádavo. As tarefas, nas que a Administración local investiu uns 4.000 euros, consistiron na renovación da cuberta e o pintado do inmoble, así como labores de barnizado da mesa emprazada no lugar. Traballos nun espazo moi concurrido pola veciñanza de Fene, tanto mozos e mozas como persoas maiores que teñen neste lugar un punto de encontro habitual.