Concello e centros educativos de Fene celebran o Día da Árbore con plantacións nos coles
26-03-2019
A edil de Ensino, Ana Novo, acudía onte pola mañá ás primeiras plantacións, que se realizaron no CEIP Os Casais e no CEIP O Ramo
O Concello de Fene, a través da Concellería de Ensino, conmemorará ao longo desta semana o Día da Árbore promovendo diversas plantacións nos centros educativos da localidade e outros espazos públicos. Onte pola mañá inaugurábase o calendario no CEIP Plurilingüe Os Casais e no CEIP Plurilingüe O Ramo. Ata alí acudía a edil de área, Ana Novo, para asistir a sendas plantacións por parte do alumnado dos coles. No primeiro caso, nenos e nenas plantaban unha moreira blanca, xa que dá unha follas moi apreciadas polos gusanos de seda que, segundo comentaron, habitan na zona. No segundo caso, optaban por unha cerdeira, unha árbore frutal moi vistosa cando florece.
A actividade repetirase este mércores, 27 de marzo, no parque de Sillobre . Alí, os estudantes do CEIP Plurilingüe Centieiras plantarán unha lagerstroemia, máis coñecida como árbore de xúpiter, e no parque lineal do Cádavo, onde os rapaces e rapazas do Jorge Juan plantarán dous ameneiros, nas inmediacións do río.
O venres realizarase a última. Os encargados serán os alumnos do CPI A Xunqueira, que plantarán no centro un bidueiro e unha enkianthus –unha magnolia de flor blanca.