A concelleira de Cultura, Rocío Bértoa, informou esta mañá de que o Concello abrirá mañá mércores o prazo de inscrición no contacontos “Nano vai á escola”, que terá lugar o luns 23 de decembro, ás 12 horas, a cargo da narradora Raquel Queizás. Celebrarase na Biblioteca Municipal Xosemaría Pérez Parallé, dirixido a un público de entre 1 e 4 anos, e a participación é gratuíta, pero con inscrición previa (do mércores 18 de decembro ata o propio día da actuación ás 11 h). De forma presencial ou no teléfono 981 34 23 02 (os días 18, 19 e 20 en horario de 16 a 20,30 horas). O aforo está limitado a 25 participantes.
