Novas

14-11-2019 -
14-11-2019 -
Fene ao día

Novo fin de semana coas mellores tapas en Fene

O XII Concurso de Tapas de Fene regresa esta fin de semana ao municipio para ofrecer as mellores propostas culinarias. Celebrarase mañá venres, de 20 a 22 horas; o sábado de 13 a 15 horas e de 20 a 22 horas, e o domingo de 13 a 15 horas. Once establecementos hostaleiros toman parte no mesmo, con tapas ao prezo único de 1,5 euros. Son os seguintes: Don Quijote); Friends (Mar e terra Friends); Nuevo Tarnas (Ovo en cazola); O Son da Cociña (Tosta Strogonoff); Candajo 103 (Xamón ao caldeiro); Jesy Bar (Caralludo); Pachamama (Salpicón de rape con emulsión de cítricos); Tívoli (Tosta Galega), e Encontro Leos (Salpicón).
Ver máis
14-11-2019 -
14-11-2019 -
Fene ao día

Os escolares do CEIP Os Casais coñecen o funcionamento do Concello de Fene

Os alumnos e alumnas de 1º, 2º, 3º e 4º curso de Educación Primaria do CEIP Plurilingüe Os Casais, acompañados dos seus profesores, realizaron esta mañá unha visita á casa consistorial guiada polo alcalde, Gumersindo Galego, e da concelleira de Ensino, Juana Barro.

Querían coñecer máis sobre o funcionamento do Concello e por iso viñeron preparados cun bo número de preguntas para o alcalde, que respostou a todas elas no salón de plenos. Neste mesmo espazo, os pequenos e pequenas puideron visitar tamén a exposición do 27º certame Galicia en Foco e mesmo lles serviu para participar nunha votación na que elixiron a que consideraban a mellor imaxe.
Ver máis
13-11-2019 -
13-11-2019 -
Deporte

O Concello abre o prazo de preinscrición para participar na Campaña de Esquí da Deputación

O Concello de Fene, a través da Concellería de Deportes, vén de abrir o prazo de preinscrición na Campaña de Esquí da Deputación provincial da Coruña. Está dirixida a rapaces e rapazas de entre 10 e 14 anos, incluídos (cumplidos a 31 de decembro de 2019), e ofrece cursiños, estancia e manutención na estación invernal de Cabeza de Manzaneda. No caso de Fene, correspóndenlle oito prazas para a quenda do 21 ó 24 de febreiro.
Ver máis
13-11-2019 -
13-11-2019 -
Benestar e igualdade

O Concello de Fene convoca as subvencións ás familias para a adquisición dos agasallos de Reis

O alcalde de Fene, Gumersindo Galego, informou esta mañá de que o Concello vén de convocar as subvencións dirixidas ás familias para a adquisición de agasallos para a festividade de Reis. Destina a esta iniciativa 3.500 euros, en 50 subvencións para outros tantos nenos e nenas por importe de 70 euros para cada beneficiari@. A publicación do anuncio da convocatoria no Boletín Oficial da Provincia do 12 de novembro establece a apertura do prazo de presentación de solicitudes no día de hoxe, e por un prazo de 10 días naturais.
Ver máis
13-11-2019 -
13-11-2019 -
Museo do Humor Xaquín Marín

O ciclo de monólogos de Fene continúa este venres coa compañía Apatacón e o seu espectáculo “Por unha peseta”

O ciclo de monólogos “Novembro, Mes do Humor” continuará este venres coa compañía Apatacón e o seu espectáculo “Por unha peseta”. Será a partir das 20 horas no Museo do Humor fenés e a entrada é de balde ata completar aforo, previa retirada de convite –máximo de dous por persoa- o mesmo venres a partir das 18,30 horas.
Ver máis
12-11-2019 -
12-11-2019 -
Fene ao día

O Concello conclúe as obras de acondicionamento das gradas anexas á nova pista cuberta de Centieiras e do seu acceso

O Concello de Fene vén de recepcionar as obras de acondicionamento das gradas anexas á nova pista cuberta de Centieiras, en Perlío. Unha intervención orzamentada nuns 40.000 euros necesaria polo estado de deterioro das instalacións. A actuación contemplou a súa limpeza, aplicación dunha capa de fibra e formigonado. Así mesmo, os laterais cubríronse con madeira para manter a estética da recén estreada cuberta instalada polo Concello. Cuberta na que se investiron outros 300.000 euros procedentes do superávit.
Ver máis
08-11-2019 -
08-11-2019 -
Benestar e igualdade

Aberta a inscrición nos obradoiros gratuítos sobre o manexo do computador e móbil

O Instituto de Investigacións Científicas e Ecolóxicas (INICE), en colaboración co Concello de Fene, impartirá un ano máis obradoiros sobre o manexo do computador e sobre o uso do teléfono móbil, totalmente gratuítos e dirixidos preferentemente a mulleres.
Ver máis
07-11-2019 -
07-11-2019 -
Fene ao día

As mellores tapas creativas e tradicionais poderán degustarse en Fene dende este venres

Once establecementos hostaleiros ofrecerán a partir de mañá venres as súas mellores propostas culinarias no marco do XII Concurso de Tapas de Fene, que organiza o Concello a través da Concellería de Promoción Económica e Turística en colaboración coa Asociación O Cruceiro. Será ao prezo único de 1,50 euros e o certame desenvolverase de venres a domingo ata o 24 de novembro. Será nos seguintes horarios: venres de 20 a 22 horas; sábados de 13 a 15 e de 20 a 22 horas, e os domingos de 13 a 15 horas. Un reclamo gastronómico para disfrutar do municipio.
Ver máis
07-11-2019 -
07-11-2019 -
Benestar e igualdade

Arrancan as sesións do Proxecto INDIRA

Nun ambiente cheo de expectativas e inquedanzas, inaugurábase onte en Fene a terceira edición do Proxecto INDIRA, un espazo feminino de encontro e crecemento persoal. Unha primeira sesión á que asistiron 9 das 16 mulleres inscritas e que contou coa presenza da concelleira de Igualdade, Juana Barro, e da psicóloga municipal e coordinadora do proxecto, Eva Sagayo.
Ver máis
07-11-2019 -
07-11-2019 -
Museo do Humor Xaquín Marín

O ciclo de monólogos “Novembro, Mes do Humor” trae a Manquiña este venres a Fene

O ciclo de monólogos “Novembro, Mes do Humor” continúa mañá venres da man do popular actor galego Manuel Manquiña. Traerá a Fene os seus “Relatos Negros” nunha función que arrancará ás 20 horas no Museo do Humor fenés baixo a dirección de Darío Autrán. A entrada é de balde ata completar aforo, previa retirada de convite –máximo de dous por persoa- o mesmo venres na conserxería do museo a partir das 18,30 horas.
Ver máis
1 2 ...116 117 118119 120 ...302 303 >>