Novas

22-06-2018 -

Novo horario de verán na Casa da Cultura

A Casa da Cultura de Fene cambia dende hoxe ó horario de verán. Unha medida que afecta á Biblioteca, Museo do Humor, sala de exposicións e aula de estudo.
Así, a partir de hoxe os horarios serán de luns a venres de 10 a 14,15 horas. Manteranse ata o 11 de setembro, incluído.
21-06-2018 -

Festa acuática este sábado na piscina de Centieiras

A piscina municipal de Centieiras acollerá este sábado, 23 de xuño, a Festa Acuática de clausura das escolas de natación impulsadas polo Concello de Fene, a través da Concellería de Deportes que dirixe Xoán Manuel Bastida, ó longo do presente curso. Clases nas que toman parte uns 300 nenos e nenas en diferentes quendas e que continuarán ata finais de mes.



21-06-2018 -

Visita do alumnado e profesorado da Escola Infantil “A galiña azul” de Fene á súa mostra “Pequenas crianzas coa arte”

A Casa da Cultura de Fene recibiu esta mañá unha visita moi, pero que moi especial. Os nenos e nenas da Escola Infantil “A galiña azul”, xunto ó equipo docente, achegáronse ata as instalacións culturais para disfrutar, e nunca mellor dito, das súas propias creacións artísticas. Esculturas, cadros ou siluetas de tamaño real dos propios nenos e nenas reunidos nunha mostra, “Pequenas crianzas coa arte”, que esta semana se inauguraba en Fene. Aquí estará ata o vindeiro 29 de xuño, con horario de visitas de luns a venres de 10 a 13 h e de 16 a 20 h e, os sábados, de 10 a 13 h. Esta mañá, o alcalde, Gumersindo Galego, achegábase tamén á Casa da Cultura para felicitar ós pequenos e pequenas artistas feneses.
 
 
20-06-2018 -

Andainas para “recordar o noso” polas parroquias do municipio de Fene

 
A Casa da Maleta ou o Cine Adriano en Barallobre; os antigos lavadoiros e muíños de Magalofes ou o entorno natural de Sillobre son algúns dos lugares que, durante este mes, están a visitar os veciños e veciñas maiores de 55 anos que acoden semanalmente ós obradoiros “Recordando o Noso” que organiza a Concellería de Benestar Social que dirixe Juana Barro. Unha serie de andainas polas parroquias que concluirán o vindeiro luns, 25 de xuño, en Limodre cun percorrido polas praias.
20-06-2018 -

Concentración silenciosa en Fene de condea e rexeitamento polo asesinato por violencia machista no Porriño

Ás portas da Casa do Concello celebrouse este mañá ás 12 horas unha concentración silenciosa convocada pola Concellería de Benestar Social e Igualdade para manifestar publicamente a condea e rexeitamento polo asasinato por violencia machista de María Magdalena M.A., de 47 anos, veciña do Porriño (Pontevedra). María Magdalena foi presuntamente asasinada este luns polo seu exmarido Tomás Romero Iglesias, de 56 anos, no Porriño, pagando coa súa vida a discriminación e a desigualdade que padecemos todas. Este feito constitúe o primeiro acto de violencia machista en Galicia no que vai de ano dun total de 16 no resto de España.
19-06-2018 -

Fene, xunto a Mugardos e Neda, impulsa o programa de prevención de drogodependencias “Mocidade Activa”

O Concello de Fene, xunto ós de Mugardos e Neda, porá en marcha durante os meses de xullo e agosto o programa “Mocidade Activa”, un proxecto de prevención de drogodependencias e condutas aditivas subvencionado pola Consellería de Sanidade e dirixido a rapaces e rapazas con idades comprendidas entre os 14 e os 17 anos.
18-06-2018 -

Volve o atletismo a Barallobre

Un dos obxectivos do Clube Atletismo Fene desde a súa fundación foi o de recuperar as antigas pistas de atletismo de Barallobre. É por elo que a directiva do noso clube se mostra especialmente agradecida ao Concello de Fene por atender as nosas demandas.
18-06-2018 -

O alumnado da Escola Infantil “A galiña azul” de Fene amosa o seu talento creativo na mostra “Pequenas crianzas coa arte”

Os nenos e nenas da Escola Infantil “A galiña azul” de Fene son uns auténticos artistas e, a partir de mañá martes, 19 de xuño, a veciñanza poderá comprobalo na Casa da Cultura do municipio.
 
18-06-2018 -

O Concello organiza un Campamento Lúdico Deportivo para nenos e nenas de 4 a 12 anos

A Concellería de Deportes abriu hoxe o prazo de inscrición no Campamento Lúdico Deportivo dirixido a nenos e nenas de 4 a 12 anos. O concelleiro de área, Xoán Manuel Bastida, explicou que se celebrará no CMI Unidade de Fene de luns a venres de 10,30 a 14 horas do 1 ó 14 de agosto e, as familias interesadas en anotar ós seus fillos e fillas, poden facelo ata o 27 de xullo no departamento municipal de Cultura e Deportes (Avda Naturais, 44 entrechán de 8,30 a 14 horas).
18-06-2018 -

O alumnado da Escola Infantil “A galiña azul” de Fene amosa o seu talento creativo na mostra “Pequenas crianzas coa arte”

Os nenos e nenas da Escola Infantil “A galiña azul” de Fene son uns auténticos artistas e, a partir de mañá martes, 19 de xuño, a veciñanza poderá comprobalo na Casa da Cultura do municipio. Alí, e ata o 29 de xuño, poderá visitarse a mostra “Pequenas Crianzas coa Arte”. Unha recopilación de cadros, esculturas e siluetas de tamaño real dos propios nenos e nenas. O horario de apertura da sala de exposicións será de 10 a 13 horas e de 16 a 20 horas de luns a venres e, os sábados, de 10 a 13 horas.