Novas

11-06-2018 -

A Fashion Night de Fene incluirá desfiles, baile, concertos, obradoiros, degustacións, sorteos… e moitos descontos e promocións

O alcalde, Gumersindo Galego, e o concelleiro de Promoción Económica, César Castro, presentaron na mañá do venres a cita, que o Concello promove en colaboración coa Asociación de Comercio, Hostalería e Servizos O Cruceiro

Desfiles, baile, música, sorteos, obradoiros, degustacións… e moitos descontos e promocións son tan só algúns dos reclamos da Fashion Night de Fene que se celebrará o vindeiro sábado 16 de xuño. Unha cita que esta mañá presentaban na Casa do Concello o alcalde, Gumersindo Galego, e o concelleiro de Promoción Económica, César Castro, e na que aproveitaban a ocasión para convidar á veciñanza de toda a comarca a achegarse ata Fene e disfrutar durante todo día dunha xornada cargada de sorpresas a pé de rúa.
08-06-2018 -

Presentación hoxe venres na Escola de Limodre do libro Centenario das Escolas de Instrucción dos “Naturales del Ayuntamiento de Fene”

A Escola de Limodre será escenario este venres, 8 de xuño, da presentación do libro Centenario das Escolas de Instrucción dos “Naturales del Ayuntamiento de Fene. 1916-2016”, do historiador e escritor Guillermo Llorca. O autor estará acompañado no acto, que dará comezo ás 20 horas, polo alcalde de Fene, Gumersindo Galego; a presidenta da AVV de Limodre, Ana Santiago, e o historiador Juan Carneiro Rey. Así mesmo, toda a cidadanía está convidada á cita, que se desenvolverá precisamente na antiga escola fundada polas sociedades de emigrantes e hoxe en día local da AVV de Limodre.
06-06-2018 -

A Casa da Cultura de Fene acolle a exposición fotográfica colectiva “Tempo”

A mostra, inaugurada o pasado sábado, pode visitarse ata o 15 de xuño de lunsa venres de 10 a 13 horas e de 16 a 21 horas, e os sábados de 10 a 13 horas


06-06-2018 -

A totalidade das prazas de “Verán máis Alá!” cubriranse con familias empadroadas en Fene

No primeiro día de preinscrición no programa municipal “Verán máis Alá!”, a Concellería de Cultura recibiu ata media mañá 150 solicitudes, co que a día de hoxe 30 persoas están xa en lista de agarda á espera do reaxuste que se poida realizar polas matriculacións por quincenas. Nesta liña, a concelleira de área, Rocío Bértoa, sinala que a lista de agarda aínda pode aumentar, xa que o prazo reservado para a veciñanza de Fene continuará hoxe ata as 19 horas e mañá xoves. Así as cousas, apunta que o Concello vese na obriga de non abrir o prazo de matriculación para veciños e veciñas doutros concellos, xa que non vai haber prazas. Inicialmente, ese trámite agora descartado estaba fixado para o venres. Así, as 120 prazas por quincena cubriranse con nenos e nenas empadroados no municipio.
05-06-2018 -

O Concello abre este mércores a inscrición no programa municipal “Verán máis Alá!”

O Concello de Fene, a través da Concellería de Cultura, abrirá este mércores e xoves o prazo de inscrición no programa “Verán máis Alá!”, que se celebrará do 2 ó 27 de xullo no CEIP Centieiras para nenos e nenas nados entre os anos 2006 e 2014 e que cursen estudos de Educación Infantil e Primaria. As familias de Fene interesadas en optar a unha das 120 prazas por quincena que oferta o Concello deben anotarse no Departamento de Cultura e Deportes (Avenida Naturais, 44 entresollado dereita). O mércores 6 de xuño poden facelo de 8 a 19 horas e o xoves 7 de xuño de 8 a 14 horas. Así mesmo, e de quedar algunha praza vacante, o programa abrirase a veciños doutros concellos, que poderán formalizar o trámite o venres 8 de xuño de 8 a 14 h.
04-06-2018 -

A mostra que conmemora os 20 anos do Fondo Galego de Cooperación prolonga a súa estancia en Fene ata o 22 de xuño

A mostra coa que o Fondo Galego de Cooperación e Solidariedade conmemora os seus vinte anos de andaina permanecerá no CPI A Xunqueira, ata o 22 de xuño. Amplía así o prazo previsto inicialmente (31 de maio). A exposición ‘20 anos a Fondo coa solidariedade’ permite divulgar o labor realizado por esta entidade, recoñecida como axencia municipal da cooperación galega, da que o Concello de Fene forma parte activa.
01-06-2018 -

O Concello inicia os traballos de limpeza das cunetas en todos os camiños municipais

O alcalde, Gumersindo Galego, avanzou esta mañá o inicio dos traballos de limpeza das cunetas de todos e cada un dos camiños de titularidade municipal. Isto é, actuarase ó longo de 22 quilómetros de viais. Para iso, destinaranse tres operarios, que se valerán dunha pala e un camión. Cunha duración estimada das tarefas dun mes, os traballos requerirán dun investimento duns 27.000 euros.
01-06-2018 -

Fene inaugura este sábado a exposición fotográfica colectiva “Tempo”

Carmen Carballada, María Fernández, María Seage, Malena Carballo, Martina Barcia, Irene Expósito, Suso Piñeiro, Javier Fariñas e José Fonticoba asinan as obras da exposición fotográfica colectiva “Tempo” que se inaugura este sábado, 2 de xuño, na sala de exposicións temporais da Casa da Cultura-Museo do Humor. O acto dará comezo ás 12 horas e estará presidido polo alcalde, Gumersindo Galego, acompañado da concelleira de Cultura, Rocío Bértoa, e a el está convidada toda a cidadanía.
31-05-2018 -

Últimas prazas libres nos bautismos de mergullo para nenos, adultos e persoas con diversidade funcional organizados polo Concello de Fene

A Concellería de Deportes de Fene informou esta mañá de que aínda queda algunha praza libre no programa de bautismos de mergullo que celebrará ó longo do mes de xuño. Así, no grupo de adultos hai seis prazas libres; unha no de menores e outra no de bautismos de mergullo adaptado. As persoas interesadas en tomar parte no programa poden inscribirse no pavillón polideportivo da Xunqueira, en San Valentín (de luns a venres de 9 a 13,30 h e os mércores de 16,30 a 19 h). O programa, que impulsa o Concello, conta coa colaboración do Clube de Actividades Subacuáticas Nautilus.
31-05-2018 -

Conferencia sobre o Camiño Inglés a cargo do xornalista Cristóbal Ramírez este venres na Casa da Cultura de Fene

Baixo o título “Onte e hoxe do Camiño Inglés en Inglaterra e nos países nórdicos”, o xornalista e divulgador da ruta xacobea Cristóbal Ramírez ofrecerá unha conferencia este venres, 1 de xuño, na Casa da Cultura de Fene. Dará comezo ás 19 horas e a entrada é libre e gratuíta ata completar aforo.