Sillobre
No Belelle está situado este interesante grupo de vivendas rurais tradicionais con dependencias adxectivas. Consiste en dúas casas de piso de volume prismático con cubertas a dúas augas con cubrición a base de follas de xisto. Nunha desas vivendas pódese ver a fixación das lousas no cumio da cuberta polo procedemento de ir subíndoas alternativamente e sobrepasando a liña do cumial, para suxeitalas entre elas facéndolles unhas fendeduras laterais.
As construcións adxectivas están situadas no contorno das vivendas conformando un pequeno patio aberto. Destaca o alpendre e a bodega arrimados, formando un só corpo onde se aprecian perfectamente o uso para construír o muro do alpendre a base de grandes cachotes de granito, e diferéncianse do muro da bodega na que a cachotería, de menor tamaño, está lucida e conserva vestixios de ter estado pintada.