15-02-2022

Presentación de debuxos para o XXVI Concurso de Humor Gráfico "Curuxa do Humor"

Os debuxantes interesados en presentarse a esta nova edición dos Curuxas, poderán enviar os seus debuxos até as 23.59 h. do vindeiro 31 de maio de 2022 ao Rexistro Xeral do Concello de Fene (Praza do alcalde Ramón José Souto González, s/n, 15500 Fene, A Coruña). As obras, de temática libre, deberán ser de creación propia e inéditas: humor gráfico nas súas modalidades de texto ilustrado, viñeta, cómic (máximo 1 páxina) e/ou caricatura. Bases publicadas na web do Museo do Humor de Fene

03-03-2022

Doa sangue

O venres 18 de marzo de 15.30 a  21.00 e sábado 19 de 10.00 a 15.00 horas a Unidade Móvil do Centro de Transfusións de Sangue de Galicia estará diante do Centro de Saúde de Fene.

04-03-2022

Exposición de Sofía Piñeiro na Casa da Cultura de Fene

A pintora ferrolá Sofía Piñeiro expón “Un cordero bala entre dos montañas” no mes de marzo, na Casa da Cultura.  A mostra recolle unha serie de traballos -inspirados en ovellas, años e carneiros- e realizados durante o confinamento do 2020.

A exposición poderá visitarse en Fene até o vindeiro 28 de marzo, de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas. Os domingos e festivos a sala de exposicións permanecerá pechada.