Data 28-09-2020
Día: 28 de setembro
Horario: 9.30 h a 14.30 h e de 16.00 a 21.00h
Lugar: Diante do centro de Saúde de Fene
COVID 19:
As persoas que desexen doar sangue poden solicitar unha cita previa no teléfono gratuíto 900 100 828, sistema implantado para reforzar os protocolos de seguridade nas unidades móbiles e garantir unha afluencia axeitada e ordeada para cubrir as necesidades de sangue dos hospitais galegos.
Tendo en conta as especiais circunstancias nas que se desenvolve esta campaña, dende a Axencia Galega de Sangue, Órganos e Tecidos (ADOS), organismo público que integra o traballo do Centro de Transfusión de Galicia, lembran que DOAR SANGUE É SEGURO xa que “as unidades móbiles e os locais de doazón compren con todos os requisitos normativos de seguridade sanitaria”. Ademais, en cada local de doazón e en cada unidade móbil, o persoal segue protocolos de seguridade exhaustivos: uso de luvas limpas con cada doante; limpeza de padiolas despois de cada doazón; emprego de material estéril e dun só uso para cada doazón (bolsas de sangue e tubos para analítica); limpeza profunda da zona de venopunción con dobre desinfección; e colocación dun envase con solución desinfectante á entrada e saída dos locais de doazón e unidades móbiles, para que os doantes o utilicen antes de acceder á zona de revisión de saúde e despois de realizar a doazón e de tomar o refrixerio.