Novas

18-06-2024

18-06-2024

O espazo de encontro entre mulleres INDIRA 2023-24 chega ao seu fin

Coincidindo co peche do programa, que finalizou cunha última sesión o pasado mércores 12 de xuño, a Concellería de Servizos Sociais anuncia unha nova convocatoria de INDIRA, actividade que se retomará no mes de outubro, abríndose o prazo de inscrición para as mulleres interesadas en participar tralo verán, no mes de setembro. Indira é un “espazo de encontro e crecemento no que compartir, experimentar, crecer xuntas, relaxarse, e onde permitirse ser muller e desfrutar de selo”.

11-06-2024

11-06-2024

O revolution Xuventude vai de acampada

Tal e como vimos informando neste mesmo medio, o concello de Fene e a agrupación de concellos de Mugardos e Neda desenvolve o proxecto de prevención de condutas aditivas, no que se enmarcan o programa REVOLUTION XUVENTUDE, subvencionado pola Consellería de Sanidade.

Programa que xa foi presentado á rapazada nos centros escolares e que como continuidade organiza un campamento para a mocidade.

28-05-2024

28-05-2024

As mulleres de Fene reivindican o dereito a desfrutar dunha vida saudábel

Baixo o lema “A saúde das mulleres é un dereito”, o Concello de Fene está a conmemorar o Día Internacional de Acción pola Saúde das Mulleres, que se celebra neste 28 de maio. Coincidindo con esta efeméride, o departamento de Benestar Social e Igualdade organizou unha completa programación de pílulas informativas sobre diversas cuestións relacionadas coa saúde as mulleres, e unha andaina reivindicativa que tivo lugar esta mañá.
Un nutrido grupo de mulleres fenesas sumáronse a esta acción e percorreron esta mañá o camiño entre o departamento de Benestar Social e Igualdade, en San Valentín, e o Concello de Fene, para visibilizar e reivindicar o dereito das mulleres a desfrutar dunha vida saudábel. Ao remate da andaina, a concelleira de igualdade e servizos sociais, Sandra Permuy, deu lectura ao manifesto “A saúde das mulleres é un dereito”, e as presentes compartiron un refrixerio saudábel.

23-05-2024

23-05-2024

O ciclo Acompañar no reto de educar aborda o vindeiro luns a conduta alimentaria na infancia e a prevención de trastornos asociados

A psicóloga clínica Yésica Bouza Sanmartín conducirá o vindeiro luns, 27 de maio, unha nova sesión do ciclo “Acompañar no reto de educar” que organizan os Servizos Sociais de Fene. Nesta novo encontro, que se desenvolverá de 18 a 20 horas na Casa da Cultura de Fene, abordarase a “Conduta alimentaria na infancia e prevención de trastornos asociados”. Algúns dos asuntos a tratar serán: a aceptación de diferentes corporalidades; hábitos desde unha perspectiva global de saúde; alimentos que necesita o corpo e o cerebro para un correcto funcionamento; como se desenvolve unha boa conduta alimentaria; pautas de prevención dos trastornos da conduta alimentaria; ou que pasa cos ideais de beleza que asumen nenas/os e adolescentes.

14-05-2024

14-05-2024

Non pasa nada, pasa algo

Mellorar a información sobre as adiccións, de maneira precisa e axeitada, debido a baixa percepción do risco que existe na cidadanía sobre o consumo de substancias e comportamentos aditivos. É o principal obxectivo do programa "Non pasa nada, pasa algo?" que botou a andar a semana pasada no IES de Fene. Organizado pola Concellería de Benestar Social e Igualdade do Concello de Fene, coa colaboración dos Concellos de Neda e Mugardos (cos que está a desenvolver un proxecto de prevención de condutas aditivas, financiado pola Consellería de Sanidade).

09-05-2024

09-05-2024

O ciclo Acompañar no Reto de Educar abordará o vindeiro luns o malestar físico e emocional nos/as adolescentes

A Casa da Cultura de Fene acollerá o vindeiro luns, ás 18.00 horas, unha nova conferencia no marco do programa familiar “Máis ca un teito” que promove a agrupación de Concellos de Fene, Mugardos e Neda, subvencionado pola Consellería de Sanidade. Nesta ocasión, o tema a tratar será o “Malestar físico e emocional nas/os nenas/os e adolescentes. Sinais de alerta e sintomatoloxía”, abordándose cuestións coma os síntomas psicosomáticos e dores asociadas, enfermidades físicas, riscos de sobreprotección, autolesións e pautas de prevención. A charla vai dirixida a todos os públicos, ANPAs, entidades sociais, familias e preadolescentes e a entrada será libre e de balde.

26-04-2024

26-04-2024

Aberta a inscrición na sesión para familias no ciclo Acompañar no reto de educar

A resolución de conflitos desde a educación emocional abordarase o vindeiro luns, 29 de abril, nunha nova sesión do programa de apoio ás familias e de prevención de condutas aditivas que organizan os Servizos Sociais de Fene a través da agrupación de concellos de Fene, Mugardos e Neda. A actividade, complementaria aos obradoiros que se se están a realizar nos centros de ensino, desenvolverase no salón de actos da Casa da Cultura, de 18 a 20 horas, e vai dirixida a todos os públicos, Anpas, entidades sociais, familias e preadolescentes. Inscricións (até completar o aforo) no seguinte enlace.

26-04-2024

26-04-2024

Abordaxe de conflitos desde a educación emocional

Os centros escolares de Fene están a participar en obradoiros de abordaxe de conflitos desde a educación emocional . Obradoiros enmarcados no proxecto de prevención de conductas adictivas realizado conxuntamente cós concellos de Neda e Mugardos e subvencionados pola Consellería de Sanidade. O obxectivo deste programa é formar e sensibilizar ao alumnado e as familias na prevención e resolución de conflitos para resolvelos de xeito sa e respetuoso tomando como base a educación emocional.

23-04-2024

23-04-2024

Formación especializada en Alzheimer e Demencias

A Casa da Cultura de Fene acollerá os días 7 e 9 de maio un curso sobre Formación especializada en Alzheimer e Demencias.

18-04-2024

18-04-2024

Revolution Xuventude