Novas

23-04-2025
23-04-2025

Coidarme para poder educar, tema dunha nova sesión do programa Máis que un teito

Os coidados, dar e recibir, a xestión do estrés, o autocoidado e a autoestima. Son algunhas das cuestións que se abordarán o vindeiro luns, 28 de abril, ás 18.30 horas, nunha nova sesión do ciclo para familias "Máis que un teito", organizado polas Concellerías de Servizos Sociais dos Concellos de Fene, Mugardos e Neda. A sesión será impartida por Naira González Fontenla, educadora social e psicopedagoga. O encontro desenvolverase no salón de actos da Casa da Cultura de Fene e, para asistir, cómpre inscribirse até o venres 25 de abril, indicando se precisa servizo de conciliación para atender ás crianzas. Prazas limitadas (30)
Ver máis
14-04-2025
14-04-2025

A Deputación Provincial de A Coruña subvencionou ao Concello de Fene no ano 2024 , a través da Subvencións a Concellos e entidades locais para o financiamento dos Servizos Sociais Comunitarios

A Deputación Provincial de A Coruña subvencionou ao Concello de Fene no ano 2024, a través da Subvencións a Concellos e entidades locais para o financiamento dos Servizos Sociais Comunitarios nos seguintes módulos:

Persoal administrativo: 18.000,00€
Persoal técnico A2: 22.000,00€
Persoal técnico A2: 22.000,00€
Persoal auxiliar Saf. Horas concedidas: 5688,17 horas e un total de 79.634,38€

O total da subvención ascendeu a 141.634,38€
Ver máis
07-04-2025
07-04-2025

Concentración de condea e rexeitamento polo asesinato por violencia machista

Dende a Concellaría de Benestar Social e Igualdade do Concello de Fene, convócase para mañá martes 8 de abril 2025 ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo ASASINATO POR VIOLENCIA MACHISTA deJOSEFA de 76 anos veciña de Bolo (Ourense)
Agradecemos de antemán a vosa asistencia como xesto de condea, repulsa e solidariedade.
Ver máis
03-04-2025
03-04-2025

A Deputación Provincial de A Coruña subvencionou ao Concello de Fene no ano 2024 , a través do POS+ADICIONAL 1/2024 para o financiamento de gastos sociais extraordinarios con 72.027,64€

Ver máis
28-03-2025
28-03-2025

Prevención ou abordaxe de conflitos nas familias, tema dunha nova sesión do programa "Máis que un teito"

Que é un conflito, diferentes formas para resolvelo, como axudar ás crianzas a resolver un conflito ou ferramentas a utilizar na resolución de conflitos tendo en conta a educación emocional, a disciplina positiva e a comunicación non violenta. Son algunhas das cuestións que se abordarán o vindeiro luns, 31 de marzo, ás 18.30 horas, nunha nova sesión do ciclo para familias "Máis que un teito", organizado polas Concellerías de Servizos Sociais dos Concellos de Fene, Mugardos e Neda.
A sesión será impartida por Andrea Bechlian, psicóloga e educadora de disciplina positiva. O encontro desenvolverase no salón de actos da Casa da Cultura de Fene con entrada libre e de balde ate completar o aforo, aínda que, no caso de precisar servizo de conciliación para atender ás crianzas, cómpre anotarse.
Ver máis
28-03-2025
28-03-2025

Fene prepárase para unha nova edición da Xuntanza de Palilleiras

O Concello de Fene ultima os preparativos para a Xuntanza de Palilleiras e outros labores tradicionais, que terá lugar o venres 26 de abril no Pavillón A Xunqueira de San Valentín. Unha cita de referencia para as persoas amantes das técnicas téxtiles, onde se darán cita afeccionadas ao encaixe, bordado, calceta, patchwork e moitos outros traballos artesanais.
Ver máis
11-03-2025
11-03-2025

Servizos Sociais de Fene, Mugardos e Neda anuncian unha charla sobre preadolescencia e adolescencia, dirixida a familias, Anpas e entidades sociais

No marco do programa de prevención de condutas aditivas “Máis que un teito” que están a desenvolver conxuntamente, os Concellos de Fene, Mugardos e Neda dan un paso máis e complementarán os obradoiros que imparten en distintos centros escolares cun encontro aberto dirixido ás familias, Anpas e representantes de entidades sociais.
A sesión, prevista para o luns 17 de marzo ás 18.30 horas na Casa da Cultura de Fene, abordará o tema da “Preadolescencia e adolescencia: entender para poder conectar” e estará dirixida pola psicóloga e educadora de disciplina positiva Andrea Bechlian.
Ver máis
07-03-2025
07-03-2025

Gran acollida das actividades previas ao 8M desenvolvidas polo Concello de Fene

O Concello de Fene adiantou a hoxe a conmemoración do Día Internacional da Muller cunha intensa programación na que a veciñanza e as entidades locais foron protagonistas. O acto central da xornada foi o despregamento da faixa conmemorativa na fachada da Casa do Concello, elaborada en gancho por un grupo de veciñas, e que simboliza un compromiso firme coa igualdade e coa loita polos dereitos das mulleres.
A concelleira de igualdade, Sandra Permuy, expresou o seu agradecemento pola gran acollida da iniciativa, e destacou a importancia de continuar impulsando accións que dean visibilidade ao traballo e á memoria das mulleres. “Hoxe demostramos que a unión e a implicación social son ferramentas clave para construír un futuro máis xusto. Queremos recoñecer e poñer en valor a historia das mulleres de Fene, que co seu esforzo e dedicación fixeron e seguen facendo avanzar a nosa sociedade”.
Ver máis
27-02-2025
27-02-2025

O Concello de Fene prepárase para o 8M cunha programación especial baixo o lema “Elas, escríbese en feminino”

O Concello de Fene, a través da área de Igualdade que dirixe Sandra Permuy, está a ultimar a programación especial do 8 de Marzo -Día Internacional da Muller- cunha campaña que leva por lema “Elas, escríbese en feminino”. A iniciativa busca recoñecer e visibilizar o papel fundamental das mulleres na historia, na sociedade e no desenvolvemento comunitario, poñendo o foco na súa memoria, traballo e loita pola igualdade.
A concelleira de Igualdade, Sandra Permuy, destacou que “este ano queremos facer unha homenaxe especial ás mulleres das nosas sociedades e entidades veciñais, verdadeiros motores incansábeis que demostran que o crecemento persoal e colectivo pasa pola unión de esforzos cara un obxectivo común. O seu compromiso merece ser recoñecido e posto en valor”.
Ver máis
05-02-2025
05-02-2025

Non pasa nada, pasa algo

Mellorar a información sobre as adiccións, de maneira precisa e axeitada, debido a baixa percepción do risco que existe na cidadanía sobre o consumo de substancias e comportamentos aditivos é o principal obxectivo do programa "Non pasa nada, pasa algo?" que botou a andar esta semana no CPI A Xunqueira e no IES de Fene. Organizado pola Concellería de Benestar Social e Igualdade do Concello de Fene, coa colaboración dos Concellos de Neda e Mugardos (cos que está a desenvolver un proxecto de prevención de condutas aditivas, financiado pola Consellería de Sanidade).
Ver máis
1234567...19 20 >>