Novas

16-09-2024
16-09-2024

A conferencia do catedrático de Historia Moderna Manuel Reyes García Hurtado abrirá en outubro a cuarta edición de Contando Ciencia

Organizado pola Biblioteca O Segrel do Penedo do IES de Fene, coa colaboración da Concellería de Ensino do Concello de Fene, volve Contando Ciencia, un programa que retoma a súa actividade co inicio do curso escolar “co obxectivo de achegar a ciencia á poboación en xeral”. Aberto a todo tipo de público, todas as conferencias terán lugar na Casa da Cultura, un xoves ao mes e sempre ás 19:30 con entrada gratuíta.
O ciclo principiará o xoves 3 de outubro co relatorio “Ferrol. O Arsenal no século XVIII”, a cargo do catedrático de Historia Moderna Manuel Reyes García Hurtado. No devir desta charla, o estudoso ferrolán explicará como se construiu o Arsenal de Ferrol e a labor de espionaxe de Gran Bretaña, amosando numerosas ilustracións, moitas delas inéditas.
Ver máis
10-09-2024
10-09-2024

Horario inverno Casa da Cultura de Fene

A partir de mañá, mércores 11 de setembro, cambia o horario de apertura e atención ao público nas dependencias da Casa da Cultura, Biblioteca Municipal “Pérez Parallé” e Museo do Humor de Fene Xaquín Marín.
Ver máis
04-09-2024
04-09-2024

As citas para apuntarse nas escola culturais municipais comezarán a darse o 5 de setembro

A Concellaría de Cultura informa do prazos de inscrición nas escolas municipais de Fene. Isto é, o prazo de matrícula presencial estará aberto do 18 ao  20 de setembro e será obrigatorio pedir cita previa para facer o trámite, que se centralizará no pavillón da Xunqueira. As citas poderán solicitarse a partir do 5 de setembro, chamando ao 981 492 804 ou ao 607 626 812.
Ver máis
19-08-2024
19-08-2024

As citas para apuntarse nas escolas deportivas e culturais municipais comezarán a darse o 2 de setembro

As Concellarías de Deportes e Cultura informan dos prazos de inscricións nas escolas municipais de Fene. Isto é, o prazo de matrícula presencial estará aberto do 9 ao 18 de setembro e será obrigatorio pedir cita previa para facer o trámite, que se centralizará no pavillón da Xunqueira. As citas poderán solicitarse a partir do 2 de setembro, chamando ao 981 492 804 ou ao 607 626 812.
Ver máis
18-07-2024
18-07-2024

Asinados os convenios de colaboración correspondentes ás subvencións nominativas para os festivais Felicia Pop e Fenerock

O alcalde de Fene, Juventino Trigo, o concelleiro de Cultura, Justo Ardá, e representantes das asociacións A.C. Felicia e Centolos A.C. reuníronse este xoves na Casa do Concello para asinar os convenios de colaboración entre o Concello de Fene e ámbalas dúas entidades ao obxecto de organizar os festivais Felicia Pop Festival e Fenerock 2024. Convenios que, no seu conxunto, suman 22.000€, a razón de 11.000€ para cada unha das sociedades. Con estas aportacións, o Goberno Municipal de Fene pretende apoiar a organización de dous certames que, pola súa traxectoria e especial interese, son xa un referente no calendario de festivais de música en Galicia.
Ver máis
11-07-2024
11-07-2024

Acto institucional e festival de habaneiras para pechar o ciclo Xullo, mes da Patria

O venres 12 de xullo, ás 20 horas, comezará no parque liñal do río Cadavo (a carón do monumento Día da Patria Galega) o acto institucional que organiza o Concello de Fene no marco do ciclo Xullo, mes da Patria. Intervirán o concelleiro de Cultura, Justo Ardá, o fenés Alexandre Marín, técnico de Cultura do Concello de Culleredo e fillo do debuxante e humorista gráfico Xaquín Marín ao que se lle encargou este ano a elaboración da Declaración Institucional polo Día da Patria Galega, e o alcalde de Fene, Juventino Trigo. No decurso do acto, haberá unha ofrenda floral e, ao remate, o Tradicoro interpretará o Himno Galego.
Ver máis
09-07-2024
09-07-2024

Caamaño&Ameixeiras e Grande Amore, protagonistas da penúltima xornada do ciclo Xullo, mes da Patria

O xoves 11 de xullo,a partir das 21.00 horas, actuarán na Praza do alcalde Ramón J. Souto González Caamaño&Ameixeiras, co espectáculo Quitar o aire, e a continuación Grande Amore, presentando o seu último disco II. Dobre sesión musical que organiza a Concellería de Cultura para a penúltima xornada do ciclo Xullo, mes da Patria. A entrada a calquera dos dous concertos será libre e de balde.
Ver máis
08-07-2024
08-07-2024

Semana grande do ciclo Xullo, mes da Patria

Do martes 9 ao venres 12 de xullo desenvolveranse o groso das actividades programadas no marco do ciclo Xullo, mes da Patria, que organiza a Concellería de Cultura de Fene. A primeira cita da semana será con Peor imposible, de Peter Punk, o martes 9 ás 21 horas na praza do CPS de San Valentín. Trátase dun espectáculo de clown, malabares e humor para todos os públicos. Actividade organizada coa colaboración do CPS de San Valentín e Agadic (Xunta de Galicia).
Ver máis
05-07-2024
05-07-2024

Peter Punk presentará o seu espectáculo Peor imposible este martes en San Valentín

No marco do ciclo Xullo, mes da Patria, a Concellería de Cultura anuncia para este martes, 9 de xullo, un espectáculo de clown, malabares e humor para todos os públicos. A función, comezará ás 21 horas na praza do CPS de San Valentín e correrá a cargo do coñecido clown Peter Punk. Entrada libre e de balde.
Ver máis
04-07-2024
04-07-2024

Reparto de invitacións para o monólogo de Carlos Blanco, no marco do ciclo Xullo, mes da Patria

A Concellería de Cultura de Fene repartirá este venres, a partir das 10 horas na Casa da Cultura de Fene as invitacións para o monólogo que o humorista Carlos Blanco ofrecerá o vindeiro mércores 10 de xullo, ás 21.30 horas, na Praza do alcalde Ramón J. Souto González. Entregaranse dúas invitacións por persoa adulta até completar o aforo. Actividade organizada pola Concellería de Cultura coa colaboración da Deputación da Coruña (Rede Cultural).
Ver máis
1234567...51 52 >>