Novas

07-03-2025 -
07-03-2025 -
Benestar e igualdade

Gran acollida das actividades previas ao 8M desenvolvidas polo Concello de Fene

O Concello de Fene adiantou a hoxe a conmemoración do Día Internacional da Muller cunha intensa programación na que a veciñanza e as entidades locais foron protagonistas. O acto central da xornada foi o despregamento da faixa conmemorativa na fachada da Casa do Concello, elaborada en gancho por un grupo de veciñas, e que simboliza un compromiso firme coa igualdade e coa loita polos dereitos das mulleres.
A concelleira de igualdade, Sandra Permuy, expresou o seu agradecemento pola gran acollida da iniciativa, e destacou a importancia de continuar impulsando accións que dean visibilidade ao traballo e á memoria das mulleres. “Hoxe demostramos que a unión e a implicación social son ferramentas clave para construír un futuro máis xusto. Queremos recoñecer e poñer en valor a historia das mulleres de Fene, que co seu esforzo e dedicación fixeron e seguen facendo avanzar a nosa sociedade”.
Ver máis
04-03-2025 -
04-03-2025 -
Cultura

A escritora, música e astrónoma amadora Estíbaliz Espinosa participa este xoves no ciclo Contando Ciencia

Baixo o suxerente título de Multiverso de telescopías, a escritora e astrónoma amadora Estíbaliz Espinosa falará este xoves, 6 de marzo, ás 19.30 horas, na Casa da Cultura de Fene. A conferencia encádrase no ciclo Contando Ciencia que organiza a biblioteca O segrel do Penedo do IES de Fene coa colaboración da Concellería de Ensino. A entrada ao acto será de balde e aberta a todo tipo de público, até completar o aforo.
Ver máis
04-03-2025 -
04-03-2025 -
Fene ao día

O Outlet de Fene reúne 18 establecementos con descontos especiais esta fin de semana

Un total de 18 establecementos feneses participarán esta fin de semana no Outlet de Fene, unha iniciativa impulsada polo Concello para dinamizar o comercio local e fomentar as compras de proximidade. Durante os días 7, 8 e 9 de marzo, a veciñanza poderá gozar de descontos especiais en produtos de moda, calzado, complementos, deporte, xogos e moito máis.

Os comercios que se sumaron a esta nova edición do Outlet son: A Tenda Agasallos, Berline Boutique, Bualá, Calzados Locay, Cáprica Cómics y Juegos, DaMa Fene, El Baúl de Bego, Jomer, Kenia, Koralli Boutique, Lencería Loly Calvo, Lualé 114, Más Sport, Mayka Moda, Costuras Mercería e Lencería, ZSR Zapatería, Un Pedacito de Mí e Mi Pachu.
Ver máis
03-03-2025 -
03-03-2025 -
Cultura

Todo preparado para o desfile do Mércores de Cinza

O Concello de Fene organiza un ano máis o desfile de entroido, no que ante a previsión da gran cantidade de comparsas participantes, a Concellería de Cultura informa do cambio de itinerario por motivos de organización e de seguridade viaria, deste xeito as comparsas non pasarán polo cruce de Fene e a Avda. Naturais.

Mantense a concentración das comparsas ás 17.30 horas nas rúas San San Salvador e Avda.do Tarrío, sendo a saída ás 18.00 horas dirección Avda. do Marqués de Figueroa, Rúa da Fraga e Avda. do Concello.

No enlace, adxuntamos  a orde do desfile,  as actuacións no palco e o dispositivo de tráfico da Policía Local. Una vez rematadas as actuacións, procederase á lectura do testamento (este ano realizado pola nosa veciña Paula Carballeira), a queima do Entroido na Avda. do Concello e a tirada dos fogos de artificio no Parque Castelao.
Ver máis
27-02-2025 -
27-02-2025 -
Cultura

Cambio de horario da Casa da Cultura de Fene durante o Entroido

A Concellería de Cultura informa dos cambios no horario de apertura e atención ao público das distintas dependencias da Casa da Cultura de Fene: Biblioteca Municipal Xosemaría Pérez Parallé, Museo do Humor Xaquín Marín, aula de estudo e sala de exposicións temporais, por mor da próxima celebración das festas do Entroido.
Así, o sábado 1 de marzo estas instalacións permanecerán pechadas. O luns 3 e o martes 4, o horario será de 10:00 a 14:15 horas. E o 5 de marzo, Mércores de Cinza e festivo local no Concello de Fene, a Casa da Cultura permanecerá pechada. A partir do xoves 6, reanudarase o horario habitual de inverno da Casa da Cultura: de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas.
Ver máis
27-02-2025 -
27-02-2025 -
Cultura

Mari Carmen Sendón e Laura Cartamil unen os seus dotes artísticos na exposición Dime que ves?

Trátase dunha mostra de gravado e estampación na que as pezas foron elaboradas a partir de padróns persoalizados e elementos da natureza como follas, pólas, etc. En Dime que ves?, Mari Carmen Sendón e Laura Cartamil realizaron as impresións empregando papeis maioritariamente feitos a man e unha gama de cores exclusivas. A exposición inclúe tamén unha colección de faros de cerámica nos que se representa o “constante movemento do mar e o vento que zoa. Tamén se reflicten as constelacións polas que adoitaban guiarse os mariños e os cantís nos que se asentan os faros, representados con arxila refractaria pintada con óxidos e cocida a alta temperatura”.
Dime que vés? poderá visitarse na sala de exposicións temporais da Casa da Cultura de Fene do luns 3 ao luns 31 de marzo no horario habitual da instalación. Para o sábado 8 de marzo, ás 11.00 horas, anúnciase o acto inauguración da mostra que incluirá un recital de poesía a cargo da escritora ferrolá Amelia de Querol. Entrada libre e de balde. 
Ver máis
27-02-2025 -
27-02-2025 -
Benestar e igualdade

O Concello de Fene prepárase para o 8M cunha programación especial baixo o lema “Elas, escríbese en feminino”

O Concello de Fene, a través da área de Igualdade que dirixe Sandra Permuy, está a ultimar a programación especial do 8 de Marzo -Día Internacional da Muller- cunha campaña que leva por lema “Elas, escríbese en feminino”. A iniciativa busca recoñecer e visibilizar o papel fundamental das mulleres na historia, na sociedade e no desenvolvemento comunitario, poñendo o foco na súa memoria, traballo e loita pola igualdade.
A concelleira de Igualdade, Sandra Permuy, destacou que “este ano queremos facer unha homenaxe especial ás mulleres das nosas sociedades e entidades veciñais, verdadeiros motores incansábeis que demostran que o crecemento persoal e colectivo pasa pola unión de esforzos cara un obxectivo común. O seu compromiso merece ser recoñecido e posto en valor”.
Ver máis
26-02-2025 -
26-02-2025 -
Cultura

Récord de comparsas no Entroido de Fene

Os Colludos, Os Argalleiros, As Xoaniñas de Chao, A Canteira do Puntal, ANPA Belén, Os Scratchados, A Revolta de Trasancos, Os Parrandolos, Troupele troupele, Artistas de Centieiras, Os Fenetásticos, Altri Non, OJE Ferrol, Santa Compaña, O Dragón Parrandolo e Paso a Paso. Son as 16 agrupacións que se inscribiron este ano para participar no desfile e posterior festival de comparsas que organiza a Concellería de Cultura de Fene para o mércores 5 de marzo, no marco da súa programación do Entroido 2025. As actividades concentraranse, coma todos os anos, en dúas xornadas.
Na do Martes de Entroido haberá festa infantil con reparto de lambetadas e verbena nocturna coa orquestra Panamá Band. E o mércores, as protagonistas serán as comparsas. O vindeiro luns, 3 de marzo, antes das 15 horas, publicarase na web do Concello de Fene a orde do desfile de comparsas para ese día.
Ver máis
24-02-2025 -
24-02-2025 -
Cultura

Os Concellos de Fene, Mugardos e Neda promoven un proxecto de Prevención e resolución de conflitos na aula desde a educación emocional

Sensibilizar ao alumnado e ás familias na prevención e resolución de conflitos tomando como base a educación emocional; desenvolver habilidades sociais e emocionais para identificar e previr o acoso escolar; axudar a resolver conflitos de forma saudable e respectuosa, a partir da educación emocional, a disciplina positiva e a comunicación non violenta; dar a coñocer e poñer en práctica estratexias e ferramentas para a identificación e resolución de conflitos; e proporcionar ferramentas que melloren a comunicación e aprender a comunicarse de forma asertiva.
Son os principais obxectivos do programa de Prevención e resolución de conflitos na aula desde a educación emocional que promoven os Concellos de Fene, Mugardos e Neda, subvencionado pola Consellería de Sanidade da Xunta de Galicia. 
Ver máis
21-02-2025 -
21-02-2025 -
Fene ao día

O Concello de Fene demanda máis apoio para mellorar o saneamento no municipio

O alcalde de Fene, Juventino Trigo, participou esta semana nunha reunión coa conselleira de Medio Ambiente e Cambio Climático, Ángeles Vázquez, na que tamén estiveron presentes os alcaldes de Ares, Julio Iglesias, e de Mugardos, Juan Domingo de Deus. O encontro serviu para analizar vías de colaboración entre a Xunta de Galicia e os tres concellos en materia de saneamento de augas.
Desde o Concello de Fene trasladouse á Xunta a necesidade urxente de apoio técnico e económico para optimizar as infraestruturas de saneamento e reducir os caudais de augas residuais, garantindo un servizo eficiente e sostíbel para a veciñanza.
O alcalde, Juventino Trigo, destacou que “Fene leva anos asumindo con fondos propios e do POS actuacións para mellorar o saneamento, pero é imprescindíbel que a Xunta se implique de forma decidida nesta cuestión. O saneamento e o tratamento das augas residuais son competencias municipais, pero os concellos precisamos axuda para acometer melloras que beneficien a toda a poboación".
Ver máis
1 2 ...7 8 910 11 ...332 333 >>