05-04-2018
A cor inundará a sala de exposicións da Casa da Cultura de Fene nas vindeiras semanas cunha exposición de pintura da artista fenesa Yolanda Vizoso. A mostra abrirá ao público o vindeiro luns, 9 de abril, e poderá visitarse até o día 30.
22-03-2018
A Concellería de Cultura informa dos cambios no horario de apertura e atención ao público nas dependencias da Casa da Cultura, Biblioteca Municipal “Xosemaría Pérez Parallé” e Museo do Humor, por mor da Semana Santa.
02-03-2018
“A mar a mares” poderase visitar do martes 6 de marzo ao luns 2 de abril de 2018 na sala de exposicións temporais da Casa da Cultura. Horario: de luns a venres, de 10.00 a 13.00 horas e de 16.00 a 21.00 horas, e sábados, de 10.00 a 13.00 horas.
16-02-2018
O Concello de Fene presenta os XXII Premios Curuxa do Humor
O prazo de presentación de debuxos finalizará o 31 de maio de 2018
Coa publicación no BOP das bases do XXII concurso de humor gráfico “Curuxa do humor”, abre hoxe o prazo de presentación de debuxos para este certame que organizan a Concellería de Cultura e o Museo do Humor de Fene.
08-02-2018
A Casa da Cultura de Fene abrirá só en horario de mañá o luns e o martes de Entroido
A instalación municipal permanecerá pechada este fin de semana e o vindeiro mércores, festivo local no concello
A Concellería de Cultura informa dos cambios no horario de apertura e atención ao público nas dependencias da Casa da Cultura, Biblioteca Municipal “Xosemaría Pérez Parallé” e Museo do Humor, por mor da celebración do Entroido.
19-12-2017
"Cerámicas Pérez Porto" na Casa da Cultura
A exposición inaugúrase o xoves 21 de decembro ás 20.00 horas
A mostra incluirá esculturas, pezas torneadas, cadros cerámicos, debuxos, acuarelas, proxectos e fotografías de monumentos realizados polo ceramista fenés.
22-11-2017
Cun monólogo de Pepe Capelán pecha este venres o "Novembro, mes do humor" do Museo do Humor
Para asistir á función será preciso recoller as invitacións o mesmo día do espectáculo, a partir das 18.30 horas
Pepe Capelán sempre chega tarde. Parafraseando aos grandes Faemino e Cansado, poderiamos dicir que Pepe Capelán é un home impuntual. “Chegou tarde ao seu propio nacemento, xa que chegou ao mundo logo de case dez meses de xestación. E despois dunha longa vida de impuntualidades, tamén chegou tarde ao mundo da comedia e da interpretación”.
15-11-2017
Isabel Risco, Fran Rei e Pedro Brandariz presentan este venres no Museo do Humor "Falar sen cancelas"
O espectáculo combina humor, maxia e clown
Continúa o ciclo de monólogos organizado pola Concellería de Cultura de Fene, coa colaboración da Deputación da Coruña, no Museo do Humor de Fene. A terceira sesión do “Novembro, mes do humor” traerá a Fene este venres, 17 de novembro, aos humoristas Fran Rei, Isabel Risco e Pedro Brandariz cun espectáculo titulado “Falar sen cancelas”.
08-11-2017
O ciclo de monólogos que organiza o Museo do Humor de Fene continúa este venres, 10 de novembro, coa actuación do humorista e actor David Noya. Esta segunda función do “Novembro, mes do humor” comezará o venres ás 20.00 horas no salón de actos da Casa da Cultura-Museo do Humor de Fene.
04-11-2017
O alcalde de Fene anuncia unha nova convocatoria dos Premios Curuxa para comezos do 2018
Juventino Trigo aproveitou a entrega de premios do Museo do Humor para reafirmar a aposta do goberno municipal por este certame de humor gráfico
“A continuidade dos Premios Curuxa é garante en si mesma do futuro do Museo do Humor de Fene e, polo tanto, dun dos principais signos de identidade que ten este Concello”. Con estas palabras, o alcalde de Fene avanzaba onte á tarde a próxima convocatoria dos Premios Curuxa, concurso de humor gráfico que organiza o Museo do Humor de Fene.