Novas

12-07-2024
12-07-2024

Os clubs de Fene poderán solicitar a partir do luns horas de adestramento de pretempada e tempada 2024-25 nas instalacións deportivas municipais

O luns 15 de xullo ás 8.30 horas abre o prazo para que os clubs de Fene soliciten horas de adestramento para a pretempada no campo de Fútbol Os Pinares e no pavillón polideportivo da Xunqueira, así como para a tempada 2024/2025 no campo de Fútbol e nos dous pavillóns. Os clubs que estean interesados deben remitir nas datas que se indican na normativa, a relación de horas que soliciten de cada instalación para a pretempada e para a tempada 2024 -2025, especificando o equipo (deporte e categoría) que vai utilizar cada hora. As solicitudes deberán presentarse telemáticamente, na sede electrónica do Concello de Fene.
Ver máis
02-07-2024
02-07-2024

Conta atrás para o XXX Día do Deporte na Rúa

A Concellería de Deportes de Fene anima á veciñanza a participar este domingo, 7 de xullo, nunha nova edición do Día do Deporte na Rúa, evento multideportivo que ten como obxectivo promocionar a actividade física en familia. A Avda. do Tarrío, a rúa San Salvador e os arredores do CCRD de Perlío serán o epicentro desta xornada para a que están programadas ao redor dunha trintena de actividades para persoas de todas as idades e gustos. O horario será de 10.30 a 14.00 horas e, no caso de choiva, o evento trasladarase ao interior do pavillón A Xunqueira de San Valentín.
Coma todos os anos, a participación en todas as actividades do Día do Deporte na Rúa será libre e de balde. E as persoas que participen en tres actividades, poderán facerse cunha camiseta conmemorativa da xornada, até esgotar existencias.
Ver máis
24-06-2024
24-06-2024

Fene propón un verán deportivo para todas as idades

Bautismos de mergullo, cursiños de kaiak e paddle surf para adultos e para poboación infantil, campamento lúdico-deportivo e ximnasia de verán. Son algunhas das actividades que o Concello de Fene anuncia para as vindeiras semanas, no marco da súa programación deportiva de verán 2024. As actividades desenvolveranse en distintas instalacións municipais, entidades sociais e espazos naturais do Concello de Fene durante os meses de xullo e agosto. Algunhas, como a ximnasia de verán ou o bautismo de mergullo infantil serán de balde e para o resto haberá que pagar cotas populares, segundo o programa que se detalla a continuación.
Ver máis
21-06-2024
21-06-2024

Fin de curso nas escolas municipais de piscina

A Concellería de Deportes organiza unha festa acuática para despedir o curso nas escolas municipais de piscina.
Será o vindeiro sábado, 22 de xuño, nas instalacións de Centieiras e poderá asistir o alumnado das escolas municipais matriculado no mes de xuño en natación para bebés, 1ª infancia ou natación infantil (iniciación e perfeccionamento).
Ver máis
20-06-2024
20-06-2024

Trinta aniversario do Día do Deporte na Rúa

A Concellería de Deportes de Fene ultima a organización do seu 30º Día do Deporte na Rúa que se celebrará o domingo 7 de xullo co obxectivo de promocionar, un ano máis, o deporte e a diversión en familia. A xornada, que incluirá múltiples actividades deportivas e de lecer para todos os públicos, desenvolverase de 10.30 a 14.00 horas na avenida do Tarrío, rúa San Salvador e arredores do CCRD de Perlío. En caso de choiva, trasladarase ao interior do pavillón A Xunqueira de San Valentín.
Ver máis
17-06-2024
17-06-2024

O Concello de Fene abre a inscrición nas xornadas de mergullo para nenos/as e adultos/as

A Concellería de Deportes de Fene informa de que o prazo de inscrición nas xornadas de mergullo para nenos/as e persoas adultas abrirase mañá martes 18 de xuño. O programa, que impulsa o Concello, conta coa colaboración do Clube de Actividades Subacuáticas Nautilus.
 
Ver máis
17-06-2024
17-06-2024

Fene estrea este domingo o seu programa de actividades deportivas de verán co Campionato de Fotografía Submarina

O Campionato de Fotografía Submarina de Fene (proba puntuable no Circuito Galego de Fotosub) desenvolverase na mañá do domingo 23 de xuño. Os/as participantes sairán en barco do Peirao de Barallobre ao redor das 9.00 horas e realizarán dúas inmersións: a 1ª, entre as 09.45 e as 11.00 horas, e a 2ª, entre as 11.30 e as 12.45 horas. Novamente, nesta edición o Concello de Fene oferta 10 prazas (adultos) para asistir de balde como espectador das inmersións dende a embarcación que servirá de apoio á proba. As persoas interesadas en apuntarse poderán facelo enviando un correo electrónico a cultura.deportes@fene.gal (no que indicarán nome e apelidos, data de nacemento, número de DNI e teléfono), antes do xoves 20 de xuño ás 15.00 horas.
Ver máis
31-05-2024
31-05-2024

Reserva de prazas para as escolas deportivas municipais do Concello de Fene 2024-25

A Concellería de Deportes abrirá o prazo o 10 de xuño para o alumnado matriculado neste mes que queira reservar prazas para o vindeiro curso nas escolas de piscina, pavillóns, kárate e judo. Ésta tramitarase presencialmente no Pavillón da Xunqueira de luns a venres de 8.30 a 14.00 horas e os mércores do mes de xuño, tamén en horario de tarde, de 16.00 a 19.00 horas. O alumnado de Fene poderá realizar a súa reserva do 10 ao 21 de xuño e o de fóra de Fene ou de Fene terá de prazo do 24 de xuño ao 3 de xullo.
Ver máis
20-05-2024
20-05-2024

Últimos días para apuntarse á I Milla Popular Interxeracional

A Concellería de Deportes amplía até o venres 23 de maio, ás 14.30 horas, o prazo de inscrición para a I Milla Popular Interxeracional que se celebrará o vindeiro domingo en San Valentín e na que poderán participar persoas de todas as idades, a partir dos 3 anos. As inscricións son de balde e poden formalizarse presencialmente no Departamento de Cultura e Deportes, en Avda. Naturais, núm. 44, entrechán, Fene, ou por correo electrónico, enviando a ficha de inscrición (individual, menores clubs e colexios ou maiores clubs) a cultura.deportes@fene.gal. Tamén se recollerán de xeito excepcional inscricións individuais o mesmo día da carreira de 9:30 a 10:30 horas.
Ver máis
14-05-2024
14-05-2024

Dobre cita coa ximnasia artística esta fin de semana en Fene

O pavillón da Xunqueira (San Valentín) acollerá esta fin de semana o Campionato Galego Open Base e Vía Olímpica de ximnasia artística feminina e a fase final da Liga Escolar de ximnasia artística feminina e masculina, organizados pola Federación Galega de Ximnasia Artística coa colaboración do Club Ximnasia Artística Ferrolterra, de Fene. Perto de trescentas/os ximnastas tomarán parte na competición (cento noventa no Open Base e Vía Olímpica e oitenta e oito na fase final da Liga Escolar) dun total de cinco clubs: o Terra Sports Academy, o Ximnasia Coruña, o Bayosil, o Real Grupo de Cultura Covadonga e o anfitrión, o club e escola Ximnasia Artística Ferrolterra.
Ver máis
1234567...25 26 >>