09-03-2021
Coa publicación no BOP das bases do XXV concurso de humor gráfico “Curuxa do humor”, abre hoxe o prazo de presentación de debuxos para o certame que organizan a Concellería de Cultura e o Museo do Humor de Fene. Os premios Curuxa teñen como obxectivo recoñecer o traballo dos mellores humoristas gráficos do momento (tanto galegos coma de calquera recuncho do estado español), amais de procurar unha maior proxección pública do Museo do Humor de Fene, un dos poucos do seu xénero que existen no noso país e no mundo.
Un ano máis, o concello de Fene segue apostando polos premios Curuxa como estandarte do Museo do Humor. Así, nesta vixésimo quinta edición do certame, o/a gañador/a da Curuxa Gráfica (categoría para maiores de 25 anos) recibirá 2000 € e diploma e o gañador/a do segundo premio, 1500 € e diploma. Para a “Curuxa Nova” (categoría para menores de 25 anos) anúnciase un primeiro premio, dotado con 1.000 € e diploma, e un segundo premio, dotado con 500 € e diploma.
Un ano máis, o concello de Fene segue apostando polos premios Curuxa como estandarte do Museo do Humor. Así, nesta vixésimo quinta edición do certame, o/a gañador/a da Curuxa Gráfica (categoría para maiores de 25 anos) recibirá 2000 € e diploma e o gañador/a do segundo premio, 1500 € e diploma. Para a “Curuxa Nova” (categoría para menores de 25 anos) anúnciase un primeiro premio, dotado con 1.000 € e diploma, e un segundo premio, dotado con 500 € e diploma.
16-11-2020
O Concello de Fene promoverá este venres, ás 20 horas, un encontro virtual cos gañadores do XXIV Concurso de Humor Gráfico “Curuxa do Humor”, adaptando así a cerimonia de entrega dos premios ás actuais circunstancias derivadas da pandemia da Covid 19. Tomarán parte neste encontro os gañadores: Sebastià Martí Benedí (1º Premio Curuxa), Robert John Holt Schmelzer (2º Premio Curuxa), Hugo Feal Dopico (1º Premio Curuxa Nova) e Luciano Ripio Molina (2º Premio Curuxa Nova), xunto co alcalde de Fene, Juventino Trigo, o concelleiro de Cultura, Justo Martínez Arda, e os voceiros dos distintos grupos municipais de Fene.
A entrega virtual dos Premios Curuxa 2020 retransmitirase en “streaming”, en tempo real, a través da páxina de Facebook do Museo do Humor (https://www.facebook.com/museodohumorfene/) e comezará cun percorrido pola exposición dos Premios Curuxa que se amosa na actualidade -até finais de ano- na sala de exposicións temporais da Casa da Cultura de Fene. O acto contará ademais cunha pequena intervención do actor e contacontos Avelino González (que ía actuar o pasado venres en Fene no acto de entrega “presencial” dos premios que o Concello de Fene suspendeu por mor do agravamento da situación sanitaria na bisbarra e das novas restricións implantadas pola Xunta de Galicia).
Trala retransmisión en directo do acto, a entrega dos Premios Curuxa 2020 colgarase na canle de Youtube do Concello de Fene e Museo do Humor e difundirase a través da web e redes sociais municipais.
A entrega virtual dos Premios Curuxa 2020 retransmitirase en “streaming”, en tempo real, a través da páxina de Facebook do Museo do Humor (https://www.facebook.com/museodohumorfene/) e comezará cun percorrido pola exposición dos Premios Curuxa que se amosa na actualidade -até finais de ano- na sala de exposicións temporais da Casa da Cultura de Fene. O acto contará ademais cunha pequena intervención do actor e contacontos Avelino González (que ía actuar o pasado venres en Fene no acto de entrega “presencial” dos premios que o Concello de Fene suspendeu por mor do agravamento da situación sanitaria na bisbarra e das novas restricións implantadas pola Xunta de Galicia).
Trala retransmisión en directo do acto, a entrega dos Premios Curuxa 2020 colgarase na canle de Youtube do Concello de Fene e Museo do Humor e difundirase a través da web e redes sociais municipais.
30-10-2020
Perante o incremento de contaxios por Covid-19 e o agravamento da situación sanitaria na bisbarra e, particularmente, no Concello de Fene, o Goberno Municipal de Fene acordou suspender o acto de entrega dos Premios Curuxa 2020 que ía ter lugar o venres da vindeira semana, 6 de novembro, no CMI Unidade de Fene. Tamén se apraza o espectáculo de Avelino González, “Contos que foron chistes”, previsto para ese mesmo día no marco do ciclo “Novembro, mes do humor” , e a función de Moc Moc Saltimbanqui organizada para o sábado 7 de novembro na Praza do alcalde Ramón José Souto González.
22-07-2020
Logo das oportunas deliberacións, na xuntanza celebrada este mediodía no Museo do Humor de Fene, o xurado do XXIV concurso de humor gráfico Curuxa do Humor acordou outorgar a Sebastiá Martí Benedí o primeiro premio Curuxa (categoría para maiores de 25 anos) e a Hugo Feal Permuy o primeiro premio Curuxa Nova (categoría de 16 a 25 anos). Así mesmo, Robert John Holt Schmelzer e Luciano Ripio Molina alzáronse co segundo premio nas categorías Curuxa e Curuxa Nova, respectivamente. O xurado estivo integrado, amais de polo alcalde de Fene Juventino Trigo, polo concelleiro de Cultura Justo Martínez Ardá, pola responsable do Museo do Humor Almudena Marcos, e polos humoristas gráficos Luís Davila, Sandra Lodi e Javier Jareño López-Cuervo (estes últimos, dous dos gañadores do certame en 2019).
16-10-2020
A Casa da Cultura de Fene acolle estes días a exposición dos Premios Curuxa 2020, concurso de humor gráfico convocado polo Museo do Humor de Fene. A mostra consta de 55 obras entre as que salientan as dos artistas galardoados este ano: “Se nos quema”, de Sebastià Martí Benedí (1º premio na categoría Curuxa), “S/t”, de Robert John Holt Schmelzer (2º premio na categoría Curuxa), “Respira”, de Hugo Feal Permuy (1º premio na categoría Curuxa Nova) e “Ciclo”, de Luciano Ripio Molina (2º premio na categoría Curuxa Nova). Tamén se amosan os debuxos finalistas do certame, "Infrinxindo as normas", de Manuel Arriaga de León, e “Vacacións Mundiais Z”, asinado por Lucas Sixto Carballeira.
20-07-2020
O humorista gráfico Luís Davila, “O bichero”, xunto coa gañadora do 2º premio Curuxa 2019, Sandra Lodi, e o do 1º premio Curuxa Nova 2019, Javier Jareño López Cuervo, son os debuxantes convidados que formarán parte este ano do xurado dos Premios Curuxa 2020, convocados polo Concello de Fene (Museo do Humor). Tal e como se establece nas bases do certame, o xurado estará presidido polo alcalde de Fene, Juventino Trigo e -xunto cos tres artistas convidados- formarán parte do mesmo o concelleiro de Cultura, Justo Ardá e a coordinadora do Museo do Humor, Almudena Marcos (que actuará como secretaria). Trala xuntanza, que terá lugar este mércores ás 12.00 horas no Museo do Humor, o Concello de Fene dará a coñecer o nome dos/as gañadores/as do certame este ano.
09-06-2020
Trala publicación das bases no Boletín Oficial da Provincia deste martes 9 de xuño, o Concello de Fene informa da apertura do prazo para presentar obras a unha nova edición dos “Premios Curuxa” do Museo do Humor. As persoas interesadas en participar, poderán entregar ou remitir os seus debuxos ao Rexistro Xeral do Concello (Praza do alcalde Ramón Souto González, s/n, Fene) até o vindeiro 10 de xullo.
05-06-2020
O Museo do Humor de Fene reabre ao público o luns 15 de xuño
O centro funcionará nesta primeira etapa baixo o sistema de cita previa
Xa hai data para a reapertura do Museo do Humor de Fene. Unha vez concluido o proceso de redacción, estudo e aprobación do correspondente protocolo e de adaptar a instalación para a nova “normalidade”, a Concellería de Cultura anuncia que será o vindeiro luns 15 de xuño. Tanto no caso do museo como da biblioteca municipal (que tamén reabre as súas portas nesa data), aplicaranse unha serie de medidas e cambios no funcionamento habitual dos servizos para garantir a seguridade de todas as persoas.
18-05-2020
Cada ano dende 1977, o ICOM (Consello Internacional dos Museos) organiza nesta data o Día Internacional dos Museos co obxectivo de concienciar sobre o feito de que estes centros "son un importante medio para o intercambio cultural, para o enriquecemento das culturas e para o desenvolvemento da comprensión mutua, da colaboración e da paz". Neste 2020, o Museo do Humor de Fene non poderá celebrar a súa festa tal e como estaba previsto. Por mor da crise sanitaria provocada polo Covid-19, a Concellería de Cultura do Concello de Fene viuse na obriga de adiar o espectáculo de David Amor que programara para esta mesma tarde.
07-04-2020
PEQUE-HUMORISTAS EN ACCIÓN! é una actividade dirixida aos máis pequenos da casa aos que pedimos que pensen naquelas cousas que os divirten e que, á vez, poden axudar a facer rir aos demais. Se un neno/a sabe debuxar, pode facer un debuxo humorístico ou un chiste gráfico. Se ten una gracia especial para contar chistes, pode gravar un audio ou un vídeo co mellor chiste que coñeza. Tamén pode enviar un pequeno monólogo humorístico, una foto graciosa ou una imitación dalgún personaxe famoso. O caso é rirmos un pouco nestes tempos de confinamento nos que #Fenequedanacasa.