O Concello acondiciona o camiño de Souto Vello na parroquia de Limodre
22-11-2018
Os traballos contemplaron o aglomerado con rego asfáltico
O Concello, a través da Concellería de Servizos, vén de concluír os traballos de acondicionamento do camiño de Souto Vello, na parroquia de Limodre. Un vial duns 200 metros que dá servizo a varias vivendas no que a Administración local investiu unha partida duns 5.500 euros procedentes de fondos propios. Segundo explicou o alcalde, Gumersindo Galego, a actuación, moi demandada polos veciños e veciñas do lugar facíase necesaria polo seu pésimo estado de conservación. Máis nos meses de choiva, xa que o vial era de terra.
A intervención contemplou o acondicionamento da vía mediante rego asfáltico.