A Concellería de Deportes de Fene organiza un ano máis o Campamento Lúdico-Deportivo dirixido a nenos/as nados/as entre os anos 2013 e 2020. Desenvolverase nas instalacións do Círculo Mercantil e Industrial Unidade de Fene do 4 ao 14 de agosto en horario de 10.00 a 14.00 horas aínda que, novamente, se ofrece opcionalmente o servizo de madrugadores con entrada de 9.00 a 10.00 horas e saída entre as 14.00 e as 14.30 horas. Este ano, como novidade, as inscricións realizaranse co sistema de cita previa e dando preferencia á poboación local ou escolarizada no concello.

Baixo este título, a Deputación Provincial da Coruña trae a Fene na segunda quincena do mes de xuño a exposición “Sinaladas” que pon o foco nos cen anos de historia en que as mulleres deron a batalla para conseguir mellorar a súa vida e a súa xente. “Pelexaron polo pan pero, sobre todo, por ocupar o seu espazo no país e no relato”, afirman desde o organismo provincial.

A mostra, fomada por trece estructuras con paneis informativos e fotografías, poderá visitarse desde o martes 17 até o domingo 29 de xuño na praza do alcalde Ramón J. Souto González, a carón da Casa do Concello de Fene. A inauguración, prevista para este martes, ás 12.00 horas, contará coa presenza das deputadas provinciais de Igualdade, Lingua e Dereitos Civís, Sol Agra, e da de Atención aos Concellos e Plans, Cristina García Rey, xunto coa alcaldesa de Fene, Sandra Permuy, e o concelleiro de Cultura, Justo Ardá.

Dende a Concellaría de Benestar Social e Igualdade do Concello de Fene, convócase para hoxe luns 16 de xuño 2025 ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo ASASINATO MACHISTA acontecido onte na Coruña.

Agradecemos de antemán a vosa asistencia como xesto de condea, repulsa e solidariedade.