Novas

01-08-2018
01-08-2018

Dezasete mulleres de Fene e bisbarra participarán no Proxecto INDIRA, Encontros de Mulleres

Un total de 17 mulleres de Fene e bisbarra participarán dende mañá xoves, 2 de agosto, no “Proxecto INDIRA, Encontros de Mulleres” que promove o Concello. Con perfís, procedencias, experiencias de vida e idades moi diferentes, confórmase un grupo moi heteroxéneo e á vez moi enriquecedor, onde traballarán as súas capacidades, á súa autoestima, coñeceranse un pouco máis a si mesmas, respectaranse, potenciarán o seu autocoidado emocional e psicolóxico... todo de cara á consecución do seu empoderamento como mulleres e como persoas.
Ver máis
31-07-2018
31-07-2018

O Concello de Fene abre a inscrición nunha serie de obradoiros gratuítos sobre novas tecnoloxías dirixidos principalmente a mulleres

A iniciativa enmárcase na relación de colaboración co Instituto de Investigacións Científicas e Ecolóxicas e busca incidir na formación para unha mellor incorporación da muller ós novos sectores de emprego
Ver máis
26-07-2018
26-07-2018

O Concello pon en marcha o proxecto INDIRA, Encontros de Mulleres

A Concellería de Benestar Social e Igualdade, a través do Servizo Municipal de Atención á Muller, pon en marcha durante o mes de agosto o Proxecto Indira, Encontros de Mulleres. Dita actividade vai dirixida principalmente a mulleres que sufriron violencia machista aínda que pode participar calquera muller que quera mellorar a súa autoestima, coñecerse, respectarse, crecer persoalmente, potenciar o seu autocoidado a nivel emocional e psicolóxico e, sobre todo, empoderarse. Para participar é preciso inscribirse previamente achegándose ao Centro Municipal de Servizos Sociais (Av. do Mar, Bloque 1-baixo en San Valentín); chamando por teléfono (981 342 607 ou 981 492 706); enviando un correo electrónico (servizos.sociais@fene.gal co asunto INSCRICIÓN INDIRA e indicando nome e apelidos e teléfono de contacto).
Ver máis
26-07-2018
26-07-2018

O cantante Enrique Ramil comparte as súas experiencias no programa Mocidade Activa que impulsan Fene, Mugardos e Neda

Enrique Ramil, cantante aresán ex concursante de Operación Triunfo e, máis recentemente de Factor X, fixo unha parada na súa xira de concertos por toda España para visitar onte pola mañá en Fene ós rapaces e rapazas que participan no programa Mocidade Activa. Un programa que impulsan conxuntamente os concellos de Fene, Mugardos e Neda e que nace para fomentar hábitos saudables e alternativas enriquecedoras entre a mocidade, que deixen ó marxe condutas aditivas.
Ver máis
20-07-2018
20-07-2018

Acto de condea do Concello de Fene

Dende a Concellaría de Benestar Social e Igualdade do Concello de Fene, convócase para hoxe venres 20 de xullo de 2018 ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo ASASINATO POR VIOLENCIA MACHISTA DE MARÍA JUDITE MARTÍNS ALVES de 54 anos, veciña de A Coruña
Ver máis
10-07-2018
10-07-2018

Arrancan os obradoiros do programa Mocidade Activa que promoven os concellos de Mugardos, Neda e Fene

Os obradoiros do programa Mocidade Activa, que promove o Concello de Fene xunto ós de Mugardos e Neda, arrancaron esta mañá. E, máis concretamente, o taller Radio Difusión e Experimentos Sociolóxicos, que se celebrará todos os martes ata finais de agosto en horario de 11 a 14 horas. Pola súa banda, o obradoiro de Curtas comezará este xoves no mesmo horario e, como no caso anterior, desenvolverase semanalmente durante este mes e o seguinte. Nun e noutro caso, as actividades teñen lugar na Aula de Informática do Concello (Avenida Naturais, 44 entresollado dereita) e están dirixidas a rapaces e rapazas de entre 14 e 17 anos.
Ver máis
25-06-2018
25-06-2018

A bandeira arco da vella ondea dende esta mañá na fachada da consistorial de Fene

Colocouse no transcurso dun acto simbólico co que se quixo sensibilizar á poboación cara a tolerancia e o respecto polas Diversidades Sexuais.
Ver máis
25-06-2018
25-06-2018

A Unidade Móbil de Doazón de Sangue desprázase esta semana a Fene e San Valentín

A unidade móbil de doazón de sangue desprazarase a Fene por partida dobre esta semana. En concreto, permanecerá diante do centro de saúde de Fene mañá martes, 26 de xuño, e o mércores 27 en horario de 9,30 a 14,30 e de 15,30 a 21 horas. Así mesmo, o venres 29 de xuño permanecerá diante da Farmacia de San Valentín de 15,30 a 21 horas.
Ver máis
25-06-2018
25-06-2018

Últimos días para inscribirse no programa de prevención de condutas aditivas “Mocidade Activa”

O prazo para anotarse no programa de prevención de condutas aditivas “Mocidade Activa”, dirixido a rapaces e rapazas de 14 a 17 anos, conclúe mañá martes, 26 de xuño. O proxecto, que impulsan os concellos de Fene, Mugardos e Neda, incluirá a celebración de catro obradoiros durante os meses de xullo e agosto.
Ver máis
22-06-2018
22-06-2018

O Concello de Fene únese á conmemoración do Día das Diversidades Sexuais

O Concello de Fene unirase á conmemoración do Día das Diversidades Sexuais. Para iso, ademais de sumarse á campaña da Deputación provincial da Coruña “Construíndo diversidade”, colocará o vindeiro luns, 25 de xuño, ás 12 horas a bandeira arco da vella na casa consistorial.
Ver máis
1 2 ...25 26 2728 29 ...33 34 >>