Novas

30-09-2024

Eyes-only Ferrol: o arsenal no século XVIII é o tema da primeira conferencia do novo ciclo de Contando Ciencia

O catedrático de Historia Moderna Manuel Reyes García Hurtado inaugura este xoves ás 19.30 horas a cuarta edición do ciclo Contando Ciencia, organizado pola Biblioteca O Segrel do Penedo do IES de Fene coa colaboración da Concellería de Ensino de Fene. No devir desta charla, titulada Eyes-only Ferrol: o arsenal no século XVIII, o estudoso ferrolán explicará como se construiu o estaleiro ferrolán e a labor de espionaxe de Gran Bretaña, amosando numerosas ilustracións, moitas delas inéditas. Entrada libre e de balde até completar o aforo.
30-09-2024

Sobes ao autobús do teatro?

O Concello de Fene anima á veciñanza a participar no programa Sobes ao autobús do teatro?, do Centro Dramático Galego. Con esta iniciativa o CDG facilita ás persoas interesadas a súa asistencia a unha función teatral -reposición da obra Terceiro acto- o venres 11 de outubro ás 18 horas, no Salón Teatro de Santiago de Compostela.
O desprazamento en autobús será de balde e as persoas que se apunten só terán que aboar o custe da entrada que será de cinco euros por persoa. O día da función sairase da Casa do Concello de Fene ás 15.45 horas e hora prevista para o retorno será ás 20.30 horas.
25-09-2024

Contacontos e maxia no Mes da Biblioteca

Tres espectáculos dirixidos a público familiar anuncia a Biblioteca Municipal Xosemaría Pérez Parallé para o mes de outubro, no marco do Mes da Biblioteca. A primeira función será o xoves 3 ás 18 horas, con Trinketrinke Teatro e o espectáculo “O caracol namorado”, dirixido a nenas e nenos de 4 a 8 anos. Para confirmar asistencia -xa que o número de prazas é limitado- cómpre chamar (tfno. 981 342 302) ou inscribirse na biblioteca a partir do xoves 26 de setembro no horario da instalación (de luns a venres, de 16 a 21 horas, e os sábados, de 10 a 13 horas). Entrada de balde.
24-09-2024

O VI Festival Internacional Entes Animados levará a maxia dos monicreques a Sillobre e Limodre esta fin de semana

Fene acollerá este venres e o sábado dous dos espectáculos do Festival Internacional de Entes Animados 2024 que se está a desenvolver en 8 concellos da bisbarra (Ares, Cabanas, Fene, Ferrol, Narón, Miño, Neda e Valdoviño) ao longo da segunda quincena do mes de setembro. A primeira función, o venres 27, será ás 20 horas no local da SCRD Agarimo de Sillobre e terá como protagonista á compañía Caricata Teatro co espectáculo “A Tourada”. O sábado 28, o certame trasladarase ao local da AVV Santa Eulalia de Limodre, tamén ás 20.00 horas, coa función “My Shadow and Me”, da compañía Drew Colby, Shadowgrapher. Ámbalas dúas sesións serán con entrada libre e de balde até completar o aforo.
23-09-2024

O Club de Lectura da Biblioteca Municipal de Fene retoma a súa actividade en outubro

Neste luns 23 de setembro abre o prazo para as persoas que desexen apuntarse ao Club de Lectura que organiza a Biblioteca Xosemaría Pérez Parallé de Fene, dirixido a público adulto. As inscricións realízanse na propia biblioteca, presencialmente ou por teléfono (981 342 302), de luns a venres, de 16.00 a 21.00 horas ou os sábados de 10.00 a 13.00 horas. Para participar, unicamente cómpre ter interese pola lectura xa que as persoas que formen parte do club, deberán ler ao mesmo tempo as mesmas obras, de xeito individual. A biblioteca proporcionará un exemplar a cada membro do club, previamente inscrito, que, no caso da sesión prevista para o mes de outubro, será “Senlleiras”, de Antía Yáñez.
17-09-2024

O VI Festival Internacional Entes Animados 2024 volta a Fene e a outros sete concellos da contorna

Con presenza dos/as concelleiros/as e técnicos/as de Cultura dos Concellos participantes e do presidente da Asociación Veciñal de Canido, o Pazo da Cultura de Narón acolleu este mediodía a presentación do 6º Festival Internacional Entes Animados que se celebrará do 20 ao 29 de setembro (fins de semana). Ao longo do certame, seis compañías procedentes de Portugal, Brasil e Inglaterra achegaranse até os concellos de Ares, Cabanas, Fene, Ferrol, Narón, Miño, Neda e Valdoviño para presentar os seus espectáculos que abranguen “desde o teatro de títeres de luva até a narrativa teatral máis engaiolante”. No Concello de Fene haberá funcións o 27 (SCRD Agarimo Sillobre) e o 28 (AVV Santa Eulalia de Limodre) de setembro.
16-09-2024

A conferencia do catedrático de Historia Moderna Manuel Reyes García Hurtado abrirá en outubro a cuarta edición de Contando Ciencia

Organizado pola Biblioteca O Segrel do Penedo do IES de Fene, coa colaboración da Concellería de Ensino do Concello de Fene, volve Contando Ciencia, un programa que retoma a súa actividade co inicio do curso escolar “co obxectivo de achegar a ciencia á poboación en xeral”. Aberto a todo tipo de público, todas as conferencias terán lugar na Casa da Cultura, un xoves ao mes e sempre ás 19:30 con entrada gratuíta.
O ciclo principiará o xoves 3 de outubro co relatorio “Ferrol. O Arsenal no século XVIII”, a cargo do catedrático de Historia Moderna Manuel Reyes García Hurtado. No devir desta charla, o estudoso ferrolán explicará como se construiu o Arsenal de Ferrol e a labor de espionaxe de Gran Bretaña, amosando numerosas ilustracións, moitas delas inéditas.
10-09-2024

Horario inverno Casa da Cultura de Fene

A partir de mañá, mércores 11 de setembro, cambia o horario de apertura e atención ao público nas dependencias da Casa da Cultura, Biblioteca Municipal “Pérez Parallé” e Museo do Humor de Fene Xaquín Marín.
04-09-2024

As citas para apuntarse nas escola culturais municipais comezarán a darse o 5 de setembro

A Concellaría de Cultura informa do prazos de inscrición nas escolas municipais de Fene. Isto é, o prazo de matrícula presencial estará aberto do 18 ao  20 de setembro e será obrigatorio pedir cita previa para facer o trámite, que se centralizará no pavillón da Xunqueira. As citas poderán solicitarse a partir do 5 de setembro, chamando ao 981 492 804 ou ao 607 626 812.
19-08-2024

As citas para apuntarse nas escolas deportivas e culturais municipais comezarán a darse o 2 de setembro

As Concellarías de Deportes e Cultura informan dos prazos de inscricións nas escolas municipais de Fene. Isto é, o prazo de matrícula presencial estará aberto do 9 ao 18 de setembro e será obrigatorio pedir cita previa para facer o trámite, que se centralizará no pavillón da Xunqueira. As citas poderán solicitarse a partir do 2 de setembro, chamando ao 981 492 804 ou ao 607 626 812.