Novas

20-11-2018
20-11-2018

Aberta a inscrición na XXXIII edición do Memorial Adolfo Ros-Volta á Ría

A XXXIII edición da carreira de media maratón “Memorial Adolfo Ros - Volta á Ría” celebrarase o vindeiro 2 de decembro a partir das 10 horas e contará tamén con probas para categorías de menores. Organizada polo Concello de Ferrol, en colaboración cos Concellos de Fene, Narón e Neda, a inscrición permanecerá aberta na web www.carreirasgalegas.com ata o mércores 28 de novembro ás 23:59 horas. A cuota é de 4 euros e, para as carreiras de menores, gratuítas.
Ver máis
16-11-2018
16-11-2018

Uns 300 nenos e nenas daranse cita este domingo en Fene na I Xornada Xogade

Un total de 290 nenos e rapaces tomarán parte este domingo en Fene na fase zonal da I Xornada Xogade do programa de Deporte Escolar da Xunta de Galicia. Será nas pistas de atletismo de Barallobre e arredores, a partir das 11 horas. A carreira, organizada pola delegación de Ferrol da Federación Galega de Atletismo, conta coa colaboración da Concellería de Deportes que dirixe Xoán Manuel Bastida.
Ver máis
19-09-2018
19-09-2018

Fene convida este domingo a pequenos e maiores á Marcha Ciclista Popular

A Concellería de Deportes de Fene, que dirixe Xoán Manuel Bastida, en colaboración co Club BTT Fene, organiza este domingo, 23 de setembro, a Marcha Ciclista Popular do Concello de Fene.
Partirá da Avenida do Concello ás 11 horas e haberá dúas rutas: a pequena, cun percorrido circular por Fene e Perlío de 7 quilómetros pensado para os máis pequenos e pequenas, e a ruta grande, que abarcará unha distancia aproximada de 15 quilómetros. Neste caso, os participantes da ruta pequena que o desexen, concluído o itinerario, poden continuar coa ruta grande por Fene, San Valentín, Perlío e Maniños.
Ver máis
11-09-2018
11-09-2018

O Concello de Fene retoma co inicio do curso o obradoiro de Educación Física contra a Fatiga Oncolóxica

O Concello de Fene, a través da Concellería de Deportes que dirixe Xoán Manuel Bastida, retomará neste curso 2018-2019 os obradoiros de Educación Física contra a Fatiga Oncolóxica. Celebraranse no pavillón de San Valentín a partir do mes de outubro co obxectivo de tratar de reducir na medida do posible a fatiga que acompaña ó cancro e ós seus tratamentos. O prazo de matrícula permanecerá aberto entre o 19 e o 25 de setembro nas dependencias administrativas do pavillón polideportivo da Xunqueira e o prezo do obradoiro é de 15,70 euros bimensuais a ingresar unha vez confirmada a praza.
Ver máis
11-09-2018
11-09-2018

Éxito de participación e organización da I Carreira da Festa Mariñeira Concello de Fene

Victoria con autoridade na proba absoluta da I Carreira da Festa Mariñeira Concello de Fene de Brais Canosa, do Club Atletismo Fene, quen cubriu os 5.000 metros dun intrincado circuíto rompepernas en 16:37. Acompañouno no podio Carlos Bouza, do Riazor Coruña e Sergio González do Ría de Ferrol, que acadou un terceiro posto. A un chanzo do podio quedou Luís Pérez Varela, o atleta eumés do Club Atletismo Fene entrou en cuarto lugar.
Ver máis
10-09-2018
10-09-2018

O Concello abre este venres a inscrición nos obradoiros e escolas deportiva

A Concellería de Deportes que dirixe Xoán Manuel Bastida informou esta mañá da próxima apertura do prazo de inscrición nos obradoiros e escolas deportivas municipais para o curso 2018/2019. Un total de 26 propostas integran a programación, para nenos/as e persoas adultas. O prezo das mesmas varía en función da franxa de idade (menores, persoas adultas ou maiores de 65 anos), así como do número de horas da actividade ou nos supostos de actividades con necesidade de contar con grupos reducidos. Neste sentido, o Concello tamén lembra a existencia do Bono Deporte, con tarifas máis ventaxosas. O curso arrancará o 1 de outubro e prolongarase ata finais do mes de xuño.
Ver máis
31-08-2018
31-08-2018

Fene abre a inscrición na I Carreira Popular da Festa Mariñeira

Fene celebrará o vindeiro sábado, 8 de setembro, a primeira edición da súa Carreira Popular da Festa Mariñeira. Con saída e chegada no peirao de Barallobre, a inscrición está aberta na web www.carreirasgalegas.com e, en apenas uns días, máis de 120 deportistas confirmaron a súa participación. A organización corre por conta do Concello, o Club Atletismo Fene e a delegación en Ferrol da Federación Galega de Atletismo e, esta mañá, a Casa do Concello de Fene acollía o acto de presentación da proba, no que tomaban parte Xoán Manuel Bastida, concelleiro de Deportes; Marcelo Rodríguez Serantes, vicepresidente do Club Atletismo Fene, e Samuel Ramírez, secretario do mesmo.
Ver máis
31-08-2018
31-08-2018

A piscina municipal de Centieiras reabre as súas portas de luns a sábado dende o 1 de setembro

O concelleiro de Deportes, Xoán Manuel Bastida, informou esta mañá de que a piscina municipal de Centieiras reabrirá as súas portas este sábado, 1 de setembro, logo do parón do verán.
Nesta liña, os horarios de apertura ó público durante o vindeiro mes serán de luns a venres de 17 a 22 horas e os sábados de 17 a 20,30 horas.
Ver máis
31-08-2018
31-08-2018

Horarios de adestramento de pretempada no pavillón da Xunqueira e de adestramento para a tempada no campo de fútbol dos Pinares

A Concellería de Deportes que dirixe Xoán Manuel Bastida informou esta mañá de que, rematado o prazo de presentación de solicitudes, esta semana resolveuse o cadro de horarios de adestramentos de pretempada no pavillón da Xunqueira e de adestramento para a tempada no campo de fútbol dos Pinares. Así, están a disposición da cidadanía para a súa consulta na web municipal (www.fene.gal), nos arquivos PDF que acompañan esta nova.
Ver máis
30-07-2018
30-07-2018

O Concello pon en marcha en agosto clases gratuítas de ximnasia ó aire libre

O concelleiro de Deportes, Xoán Manuel Bastida, informou esta mañá de que o Concello porá en marcha clases gratuítas de ximnasia de verán ó aire libre. As sesións arrancarán este mércores, 1 de agosto, e celebraranse ata o día 31 todos os luns, mércores e venres laborables en horario de 9,30 a 10,30. O escenario elixido será o paseo marítimo de San Valentín, xunto ó pavillón da Xunqueira e, no caso de choiva, as clases trasladaranse ó interior do recinto deportivo.
Ver máis
1 2 ...15 16 1718 19 ...24 25 >>