Novas

22-05-2019

Preto de 600 estudantes tomarán parte nas Xornadas de Xogos Populares Escolares

Preto de 600 nenos e nenas dos centros educativos de Fene tomarán parte este xoves e venres, 23 e 24 de maio, nas Xornadas de Xogos Populares Escolares. Así, na xornada de mañá participará o estudantado do CPI A Xunqueira e do CEIP Centieiras, namentras que o venres fará o propio o do Colexio Jorge Juan, CEIP O Ramo e CEIP Os Casais.
02-05-2019

III Torneo de Ximnasia Artística Concello de Fene esta fin de semana no pavillón de San Valentín

O pavillón municipal de San Valentín albergará esta fin de semana o III Torneo de Ximnasia Artística "Concello de Fene". O sábado 4 terá lugar o torneo na categoría base e vía olímpica, entre as 9,15 e as 13,30 horas e de 15,30 a 19,30 horas, coa participación de 161 deportistas. Así mesmo, o domingo 5 celebrarase a categoría escolar, de 9 a 13 horas e 124 participantes.
16-04-2019

Clube Atletismo Fene, campión de Galicia de Maratón

O Clube atletismo Fene fixo historia no Campionato de Galicia de Maratón ( 42, 195 Km ) celebrado en Coruña o domingo dia 14. Proclamáronse campións galegos por equipos nun dia no que o desenvolvemento da carreira a moitos participantes lles afectaron as circunstancias de moita calor con humidade e vento en parte do circuíto.
11-04-2019

Fene celebra este venres a súa I Gala do Deporte

O concelleiro de Deportes, Xoán Manuel Bastida, convida a veciños e veciñas a tomar parte este venres, 12 de abril, na Gala do Deporte de Fene. Terá lugar a partir das 20 horas no local do Agarimo de Sillobre e, coa cita, o Concello quere recoñecer os méritos dos deportistas locais ao longo da tempada 2017/2018. Non só iso, tal e como apunta Bastida, tamén se realizará unha homenaxe a aqueles veciños e veciñas que fixeron historia pola súa intensa labor a favor do deporte no municipio.
 
10-04-2019

Preto de 600 estudantes participarán xoves e venres nas Xornadas de Atletismo Divertido do Concello de Fene

Uns seiscentos rapaces e rapazas dos centros educativos de Fene tomarán parte este xoves e venres nas Xornadas de Atletismo Divertido que organiza o Concello a través da Concellería de Deportes que dirixe Xoán Manuel Bastida. Á vista das condicións climatolóxicas previstas para esta semana, as actividades realizaranse no pavillón de A Xunqueira en horario de mañá, dende as 10,20 horas aproximadamente. O xoves participarán os estudantes de Educación Primaria do Colexio Jorge Juan de Perlío e CPI A Xunqueira, namentras que o venres tomará o relevo o alumnado do CEIP O Ramo, CEIP Centieiras e CEIP Os Casais.
27-03-2019

O Concello inicia nos centros educativos as charlas sobre resucitación cardiopulmonar básica e manexo do desfibrilador

A Concellería de Deportes que dirixe Xoán Manuel Bastida vén de iniciar os cursos formativos sobre primeiros auxilios, resucitación cardiopulmonar básica (RCP) e manexo do desfibrilador nos centros educativos do municipio. Uns cursos que está a impartir a Agrupación Local de Voluntarios de Protección Civil. Ata o CEIP Centieiras se desplazaban onte Sandra Martínez e José Manuel Castro, responsable da agrupación e integrante da mesma, para iniciar o programa cos rapaces de 4º, 5º e 6º curso de Educación Primaria.
 
22-02-2019

Fene acolle este domingo a cuarta xornada da I Liga de Judo Norte

O concelleiro de Deportes, Xoán Manuel Bastida, informou esta mañá de que Fene albergará o domingo 24 de febreiro a cuarta xornada da I Liga de Judo Norte para as categorías de alevín e infantil. A cita deportiva desenvolverase no pavillón de A Xunqueira, a partir das 10 horas, e nela tomarán parte uns 200 judokas.
14-02-2019

Máis de 260 judokas tomarán parte na xornada “Xogajudo” este sábado en Fene

O pavillón polideportivo de A Xunqueira acollerá este sábado 16 de febreiro a xornada “Xogajudo” da zona Lugo e Ferrol. A cita arrancará ás 11 horas e prolongarase ata as 13 e, nela, prevese a participación de 263 judokas. O campeonato está patrocinado pola Secretaría Xeral para o Deporte e a organización corre por conta da Federación Galega de Judo, coa colaboración do Concello de Fene.
07-02-2019

Fene acollerá o domingo o Campionato de Galicia Máster individual e por equipos de Campo a Través con preto de 400 atletas inscritos

Fene acollerá este domingo 10 de febreiro a XXXIII edición do Campionato de Galicia Máster de Campo a Través. Esta mañá, o alcalde, Gumersindo Galego; o concelleiro de Deportes, Xoán Manuel Bastida; o presidente da Federación Galega de Atletismo, Isidoro Hornillos, e o delegado en Ferrol da Federación, Paulino Cartelle, presentaban oficialmente a cita deportiva, na que tomarán parte preto de 400 atletas galegos, medallistas moitos deles en competicións europeas e incluso mundiais.
31-01-2019

O Concello de Fene abre a inscrición na Escola de Natación postparto

O Concello de Fene comezará a ofertar en febreiro a "Escola de natación postparto", que se realizará xunto coa “Escola de natación para embarazadas" que xa se vén realizando dende hai un tempo. As interesadas en participar en calquera destas actividades poderán formalizar a súa inscrición nas dependencias administrativas do pavillón polideportivo da Xunqueira (en San Valentín) de luns a venres de 9 a 13,30 e os mércores en horario de tarde, de 16,30 a 19 horas.
A escola de natación para embarazadas é un programa de exercicios acuáticos orientado a evitar un sobrepeso innecesario, a preparar os músculos para o parto e a lograr un estado de relaxación e benestar durante a etapa de xestación. Ademais, a preparación física previa ao parto supón unha mellor e máis rápida recuperación despois do embarazo, que se pode potenciar coa natación postparto.