Novas

19-12-2024
19-12-2024

Clausúrase a primeira edición do Laboratorio de Apoderamento LGBT+ en Ferrolterra cun encontro participativo

O Auditorio Municipal de Narón acolleu o día 18 de decembro un acto ao que asistiron persoal político e técnico, docentes e estudantado dos seis concellos participantes, ademais da Deputada de Igualdade da Deputación da Coruña e o equipo promotor de Rexenerando S. Coop.
O LAB LGBT+ abordou a cuestión da diversidade sexual dun xeito innovador, incorporando ferramentas de xestión e facilitación de grupos e dando espazo á experiencia, motivación e necesidades da mocidade.
A este encontro final do Laboratorio de Apoderamento LGBT+ 2024 asistiron as traballadoras da cooperativa Rexenerando, promotora do proxecto, a Deputada de Igualdade, Soledad Agra, como representante da administración financiadora, técnicas e concelleiras das áreas de igualdade de Fene, Ferrol, Narón, Neda, San Sadurniño e Valdoviño. Ademais, contou con representación de estudantado e docentes dos centros educativos participantes nesta primeira edición: o IES de Fene, o IES Catabois, o IES Terra de Trasancos, o IES Fernando Esquío e o CPI San Sadurniño e CPI Atios.
Ver máis
25-11-2024
25-11-2024

Manifesto 25N Concello de Fene 2024

Hoxe é un día, como dicen as nosas nais, moi sinalado, un día no que non podemos esquencer a todas as vítimas da violencia machista, tanto as galegas, como calquera muller ou nena do mundo, que agora mesmo está a sufir esta violencia.
 
Tamén é unha data sinalada para acelerar o motor e continuar a eliminar a violencia contra ás mulleres aplicando as políticas de igualdade necesarias, e incidindo sobre todo no problema estructural dunha sociedade que segue sendo profundamente machista.
 
Ver máis
20-11-2024
20-11-2024

Fene reafírmase no 25N: feminismo en acción contra a violencia machista

O Concello de Fene reafirma o seu compromiso coa igualdade e a loita contra a violencia machista cunha programación especial polo Día Internacional contra a Violencia Machista, baixo o lema “Fene facendo a revolución, feminismo en acción”. Segundo destacou a concelleira de igualdade, Sandra Permuy, “queremos ir máis aló dunha simple conmemoración, mobilizando á veciñanza a apostando por accións que promovan o coñecemento, a reflexión e o cambio social”.
Ver máis
11-11-2024
11-11-2024

Subvencións ás familias para a adquisición dos agasallos de Nadal

O Concello vén de convocar as subvencións dirixidas ás familias para a adquisición de agasallos para a festividade de Reis. A publicación do anuncio da convocatoria no Boletín Oficial da Provincia do 11 de novembro establece a apertura do prazo de presentación de solicitudes dende mañá, e por un prazo de 15 días hábiles.
Ver máis
29-10-2024
29-10-2024

Unha peixería que ofrece lixo sorprenderá á veciñanza de Fene este mércores 30 de outubro na praza verde de Fene ás 12:30 horas.

Non é produto do Samaín, aínda que ben podería selo. Son os mozos e mozas de 4º do IES de Fene que queren denunciar ante a veciñanza do Concello que o mar está cheo de lixo e contaminación. Para facelo montarán na Praza Verde este mércores unha peixería na que en lugar de vender pescadas, sardiñas, ou xurel, o que ofrecerán será lixo. Lixo de proximidade e ben fresquiño xa que está recollido por eles mesmos nas praias e no propio concello.
O alumnado fenés ideou esta acción, tras o paso por un obradoiro previo de comunicación de guerrilla, coa finalidade de concienciar á súa veciñanza sobre como  lixo e a contaminación que hai nos océanos pon en perigo a supervivencia dalgunhas especies emblemáticas para a nosa gastronomía. A veciñanza que se pasee por esta “peixería do lixo” atopará información sobre o estado de conservación vulnerable de algunhas especies como o polbo, a ameixa, o berbercho ou o bacallau, afectados directamente pola contaminación, a sobrepesca ou co quentamento global.
Ver máis
09-10-2024
09-10-2024

O Concello de Fene pon en marcha unha nova edición do programa “Refórzate” para apoiar ao alumnado de primaria e secundaria

O Concello de Fene inicia unha nova edición do programa “Refórzate”, destinado a apoiar ao alumnado de primaria e secundaria con dificultades de aprendizaxe ou en situación de vulnerabilidade. O proxecto, desenvolto conxuntamente cos concellos de Fene, Neda e Mugardos e financiado pola Consellaría de Sanidade, ten como obxectivo promover o desenvolvemento individual, social e emocional das e dos menores a través de sesións de apoio educativo e actividades lúdicas e saudábeis.
Ver máis
04-10-2024
04-10-2024

Abre o prazo de inscrición nunha nova edición dos Seráns Activos do Concello de Fene

A Concellería de Benestar social organiza un ano máis o programa Seráns Activos que ten como obxectivo o “entrenamento da mente e corpo” das persoas maiores de 55 anos. O prazo de matrícula xa está aberto e as prazas dispoñibles (15 por grupo) cubriranse por orde de inscrición Para anotarse, cómpre entregar o formulario, dispoñible na web www.fene.gal, no centro municipal de Servizos Sociais ou na caixa de correo servizos.sociais@fene.gal
Ver máis
27-09-2024
27-09-2024

O vindeiro martes abre o prazo de inscrición para os Obradoiros de Defensa Persoal, Autoconfianza e Apoderamento que organiza o Concello de Fene

O Servizo Municipal de Atención á Muller, dependente da Concellería de Benestar Social de Igualdade anuncia dous novos obradoiros de “Defensa Persoal. Autoconfianza e Apoderamento”, dirixidos por unha banda a mulleres maiores de 18 anos e pola outra a rapazas de 13 e 17 anos. Ámbolos dous terán unha duración de 9 meses, desde outubro de 2024 ata xuño de 2025 con sesións de hora e media da duración os martes e xoves. E neles, traballarase con prácticas e adestramento en autodefensa, cun monitor especializado en artes marciais.
Ver máis
26-09-2024
26-09-2024

Mocidade do concello de Fene tomará as rúas para provocar a reflexión en torno ao dereito á auga

Son os participantes do obradoiro de comunicación de guerrilla do proxecto #PeopleAndPlanet impulsado polo Fondo Galego de Cooperación e Solidariedade e impartido pola Asociación Galega de Comunicación para o Cambio Social ( Agareso)

Buscar impacto, xerar conciencia, transgredir… estas son solo algunhas das características coas que poderiamos definir a comunicación de guerrilla, unha técnica comunicativa suxerinte e nada convencional que se vale dos cánones da publicidade, da performance, do uso do mobiliario urbano ou da intervención en monumentos…, co obxectivo de utilizar o espazo público para provocar unha reflexión na cidadanía.
Ver máis
16-09-2024
16-09-2024

Abre o prazo de inscricións no proxecto Indira

Concellería de Igualdade do Concello de Fene, a través do Servizo Municipal de Atención á Muller, pon en marcha un novo Espazo para Mulleres enmarcado dentro do denominado Proxecto INDIRA, actividade que se ven desenvolvendo dende o ano 2018 de xeito ininterrompido cun total de dúas edicións por ano.

INDIRA é un proxecto para mulleres a través de encontros semanais, no que se abordarán diferentes temas e actividades relacionados co desenvolvemento persoal e a saúde en todas as súas dimensións. O programa desenvolverase durante os meses de outubro a decembro de 2024, dende o 2 de outubro ata o 18 de decembro.

O prazo para anotarse permanecerá aberto entre o 17 e o 30 de setembro.
 
 
 
Ver máis
1234567...35 36 >>