Novas

26-10-2026
26-10-2026

O Concello de Fene pon en marcha un novo programa de subvencións ás familias para a festividade de Nadal 2026-27

A fin de que todos os nenos e nenas poidan vivir con ilusión a festividade de Nadal, a Concellería de Benestar Social e Igualdade de Fene abre o prazo de solicitude de axudas ás familias con fillos e fillas que a 31 de decembro de 2026 teñan unha idade comprendida entre o 0 e o 16 anos, ou maiores desta idade cando teñan o recoñecemento oficial de discapacidade. O programa contempla axudas de pago único de 125€ por menor.
As solicitudes deberán presentarse desde o 27 de outubro ao 9 de novembro 2026, ambos os dous días incluídos, no centro municipal de Servizos Sociais (Avda. do Mar, Bl. 1, San Valentín, Fene)
Ver máis
20-10-2026
20-10-2026

Sementes de cambio no Concello de Fene

A especialista universitaria en estudos de xénero e políticas de Igualdade María Ángelica Mercado Torres impartirá unha charla informativa en Fene sobre agresións sexuais e violencia sexual. Baixo o título Sementes de cambio, a actividade “pretente poñer unha semente de cambio para logo poder facer unha recolleita de respeto, consentimiento, igualdade e prevención” A conferencia, dirixida ao público en xeral, terá lugar na Casa da Cultura de Fene o vindeiro 29 de outubro, de 19 a 20.30 horas.
A participación é gratuíta, con inscrición previa no departamento municipal de Servizos Sociais, nos teléfonos 981 342 607 ou 981 492 706; ou no correo servizos.sociais@fene.gal.
Ver máis
09-10-2026
09-10-2026

Fene acolle a exposición fotográfica “EXPRESS-ARTE: 15 VISIÓNS

O Concello de Fene, a través da Concellería de Benestar Social e Igualdade, presenta a exposición fotográfica itinerante “Express-Arte: 15 visións”. Esta mostra artística convida ao público a realizar unha viaxe crítica e reflexiva por varias das pezas máis recoñecidas da historia da arte, pero revisadas e reinterpretadas baixo un prisma puramente de xénero.
A exposición estará aberta ao público de balde ata o próximo 21 de outubro no Salón de Plenos Municipal. O horario de visita será de 08:00 a 15:00 horas.
Ver máis
21-09-2026
21-09-2026

Proxecto Indira

A Concellería de Igualdade do Concello de Fene, a través do Servizo Municipal de Atención á Muller, pon en marcha de novo o mércores 7 de outubro o Espazo para Mulleres enmarcado dentro do denominado Proxecto INDIRA, actividade que se ven desenvolvendo dende o ano 2018 de xeito ininterrompido cun total de dúas edicións por ano.
Ver máis
15-09-2026
15-09-2026

A alcaldesa de Fene inaugurou este luns na Casa da Cultura o curso de formación en competencias dixitais para maiores de 55 anos

Catorce persoas participan desde este luns en Fene nun curso básico de formación en competencias dixitais co obxectivo de impulsar a súa autonomía no manexo de ordenadores, móbiles e redes sociais. A alcaldesa do Concello de Fene, Alejandra Permuy, foi a encargada de dar a benvida aos participantes, inaugurando esta formación que é froito da colaboración entre o Concello de Fene e a fundación Cibervoluntarios.
Trátase dun curso básico no que as persoas participantes aprenderán a navegar de forma segura por Internet, realizar xestións coa Administración electrónica e a banca dixital. Ademais, iniciaranse no emprego de redes sociais e ferramentas dixitais de maneira creativa e segura; comunicaranse por videochamada e descubrirán plataformas e apps para a aprendizaxe, o lecer e a saúde.
Ver máis
01-09-2026
01-09-2026

Iniciación ao mundo dixital para maiores de 55 anos

O concello de Fene en colaboración coa fundación Cibervoluntarios organiza un curso gratuíto de formación en competencias dixitais para impulsar a autonomía dixital en maiores de 55 anos, os días 14 e 16 de setembro de 2026.
Ver máis
11-08-2026
11-08-2026

Campamento dixital na Casa da Cultura de Fene

O concello de Fene en colaboración coa fundación Cibervoluntarios organiza un cursos de formación en competencias dixitais para nenos e nenas entre os 9 e 13 anos de idade, os días 17, 18, 19 e 20 de agosto de 2026.
Ver máis
25-06-2026
25-06-2026

Clausura do programa Seráns Activos 2025-26

A concellería de Benestar Social de Fene clausurou o pasado venres 22 de xuño os Seráns Activos do programa de Envellecemento Activo. O acto, presidido pola alcaldesa Sandra Permuy e o concelleiro de Benestar Social Manuel Polo, contou coa participación de representantes das entidades sociais do termo municipal.
Nesta derradeira sesión proxectouse unha presentación de fotos nas que se amosaba o traballo realizado durante o curso académico e realizouse unha dinámica de grupo. A continuación, a alcaldesa e o concelleiro entregaron os diplomas ás persoas participantes e, para rematar a velada, organizouse unha merenda.
Ver máis
17-06-2026
17-06-2026

Enquisa para avaliación do IV Plan de Igualdade do Concello de Fene 2023-2025

Dende a Área de Igualdade Municipal estase a avaliar o IV Plan de Igualdade de Oportunidades entre Mulleres e Homes do Concello de Fene (en adiante PIOMH), aprobado no Pleno Municipal o 5 de decembro de 2023. Unha vez rematada a vixencia do mesmo (2023-2025) compre proceder á súa Avaliación Final.
A avaliación dun Plan de Igualdade é un proceso participativo que precisa das achegas, suxestións e opinións de todas as persoas implicadas, polo que a colaboración cidadá é de gran importancia.
Ver máis
26-05-2026
26-05-2026

Presentación do libro Por que ninguén falou delas

O Concello de Fene, coa colaboración da Deputación Provincial da Coruña, organiza para este venres, 29 de maio, ás 19 horas na Casa da Cultura, a presentación do libro Por que ninguén falou delas, da autora Belén López Cillero. A obra investiga a represión sistemática exercida polo franquismo contra as mulleres da clase obreira, empregando como ferramenta o Patronato de Protección a la Mujer entre 1941 e 1985.
Segundo informan os Servizos Sociais municipais, a presentación desta obra organízase co obxectivo de que a veciñanza de Fene e bisbarra “poida coñecer de primeira man a nosa realidade histórica recente, para así poder combater a onda reaccionaria que se está a expandir entre a xente máis nova. 
Ver máis
1234567...20 21 >>