Casa indiana na Porta do Sol
Inicio Fene descúbreo Patrimonio histórico Casa indiana na Porta do Sol
Fene
![](../../../media/../media/img/casindiportasol.jpg)
Situada na Avenida Porta do Sol, nun ámbito hoxe plenamente urbano, esta pequena vivenda unifamiliar presenta unha volumetría moi sinxela, neste caso prismática coa cuberta a dúas augas.
Trátase dun tipo con amplia representación en moitos lugares do concello, e que ten na súa fachada frontal os trazos máis sobranceiros dende o punto de vista da ornamentación. Na planta baixa conta con tres ocos, porta central e ventás laterais, e no baixocuberta hai unha porta balcón con varanda de ferro fundido na que se repite o motivo empregado nos antepeitos das ventás da planta baixa. Destacan tamén os recercos de motivos xeométricos nos vans, a moldura que decora os baixos do beiril da cuberta e a simulación de pedras de cantería nos esquinais.