Fene hoxe

Inicio   Fene hoxe
11-02-2022

Promoción Económica xa ten aberto o prazo de inscrición no Outlet da primeira fin de semana de marzo

A Concellaría de Promoción Económica ultima estes días os preparativos do Outlet Merca en Fene, un evento cheo de fantásticas oportunidades cos mellores prezos que se vai desenvolver na fin de semana do 4, 5 e 6 de marzo. Falta case un mes, pero desde o departamento informan que xa está aberto o prazo de inscrición para esta cita, que deberá formalizarse a través do correo desenvolvemento.local@fene.gal ata o venres 18 de febreiro. Aínda pendentes da aprobación do programa definitivo da actividade, dende Promoción Económica avanzan que será unha cita aberta a todos os establecementos do municipio "coa que se pretende fomentar e reactivar o consumo no comercio local".
04-02-2022

San Valentín reúne este domingo o melloriño da artesanía local e comarcal

O paseo marítimo de San Valentín acollerá durante toda a xornada deste domingo 6 de febreiro a Feira de Artesanía organizada pola Concellaría de Promoción Económica, na que se darán cita 24 postos de dentro e fóra de Fene. A iniciativa busca poñer en valor a creación de proximidade ofrecéndolles ás artesás e artesáns participantes un espazo compartido -baixo carpa- no que expor e vender as súas manufacturas. 
26-11-2021

A concellaría de turismo do Concello de Fene organiza un Showcooking con degustación a cargo da recoñecida cociñeira Beatriz Sotelo

Dentro do Programa Fene Vivo Plus, o Concello de Fene impulsa a protección e divulgación do patrimonio pesqueiro, arquitectónico, cultural, a súa cultura Indiana ou de Ultramar, xa que xogan un papel importante na nosa diferenciación e son fundamentais para crear e impulsar un microdestino de calidade e sostible.
Entre as actividades programadas, salienta o Showcooking con Degustación que terá lugar este sábado 27 de novembro na Praza do Alcalde Ramón José Souto González, dirixido pola Beatriz Sotelo, que cociñará en vivo e en directo os produtos de excelencia da nosa ría, en 4 pases abertos ao público (50 persoas por pase, por rigorosa orde de inscrición), con posterior degustación gratuíta.
18-11-2021

A concellaría de turismo do Concello de Fene pon en marcha o proxecto "FENE MAR VIVO PLUS"

Como continuación das dúas edicións anteriores, nas que se concluíu a importancia que o turismo ten para valorizar e comercializar os nosos produtos, o Concello pon en marcha o programa ‘Fene Mar Vivo Plus’ proxecto que se desenvolve ao abeiro do Programa FEMP 2014-202 da Consellería do Mar, tramitado no GALP Golfo Ártabro Norte na convocatoria 2020.

O Concello quere seguir protexendo e divulgando o patrimonio pesqueiro, arquitectónico, cultural de Fene, a súa cultura Indiana ou de Ultramar, xa que xogan un papel importante na nosa diferenciación.

Con ‘Fene Mar Vivo Plus’ quere conxugar un servizo público vencellado ao turismo, para poñer en valor e seguir dando a coñecer a actividade pesqueira e a cultura mariñeira, así como outros produtos patrimoniais que distinguen este territorio.
01-10-2021

A Concellería de Turismo amosa na SCRD Agarimo a exposición do I Concurso de Fotografías do Camiño Inglés

A mostra, organizada pola Asociación de Concellos do Camiño Inglés coa colaboración da Asociación de Promoción do Camiño Inglés, consta de 21 fotografías, as 3 gañadoras do certame e 18 finalistas. Esta exposición inaugurouse en xuño nas instalacións da Autoridade Portuaria de Ferrol, coincidindo coa celebración do evento “Primavera no Camiño” e, posteriormente, iniciou a súa itinerancia por algúns dos concellos que conforman o Camiño Inglés.
No concello de Fene amósase dende hoxe nas instalacións da Sociedade Agarimo de Sillobre e poderá visitarse até o vindeiro 14 de outubro en horario de 9.30 a 14.00 e de 16.00 a 22.00 horas, de luns a domingo.
11-06-2019

Desfiles, baile, DJs, performances, sorteos e moitos descontos na Fashion Night de Fene

Desfiles, baile, música, sorteos, obradoiros, degustacións… e moitos descontos e promocións son tan só algúns dos reclamos da Fashion Night de Fene que se celebrará o vindeiro sábado 15 de xuño baixo o lema “Festa en Branco”. Unha cita que avanzaban o alcalde, Gumersindo Galego; o concelleiro de Promoción Turística, Juan José Franco, e o presidente da Asociación O Cruceiro, Juan Ramos.
Na organización Concello e Asociación de Comercio, Hostalería e Servizos O Cruceiro volven aúnar esforzos e, finalmente, serán 36 establecementos de comercio e hostalería os adheridos á programación prevista. Así mesmo, e como principal novidade, nesta edición a Fashion Night terá a temática ibicenca por bandeira, co que se anima á veciñanza a participar da mesma vestíndose de cor branca. Así mesmo, o performance Pablo Méndez realizará ao longo do día tres pasarrúas baixo o título que dá nome á Fashion Night: ás 18 horas pola Avenida Marqués de Figueroa; ás 20 horas pola Avenida Naturais, e ás 23 horas pola rúa da Fraga.
10-05-2019

LETRAS GALEGAS 2019

24-04-2019

O Concello celebra sábado a Xuntanza de Palilleiras e outras labores tradicionais

O Concello de Fene, a través da Concellería de Promoción Económica, organiza este sábado, 27 de abril, a tradicional Xuntanza de Palilleiras e outras labores tradicionais. A día de hoxe, máis de 400 palilleiras de diferentes localidades da xeografía galega teñen confirmada a súa asistencia á cita, que dará comezo ás 10,30 horas coa apertura do pavillón da Xunqueira, en San Valentín, e a recepción aos participantes. Así mesmo, a inauguración da xuntanza está prevista para as 11,30 horas e, a partir dese momento, o público asistente poderá comprobar a depurada técnica e traballo de palilleiras de todas as idades.
24-04-2019

O Concello de Fene convida a vir a Magalofes para percorrer a ruta das fontes

O concelleiro de Promoción Turística, Juan José Franco, informou esta mañá da celebración, este sábado 27 de abril, da Andaina “Ruta das Fontes”. Unha actividade para vir e disfrutar de Magalofes que conta coa colaboración da entidade veciñal. Está incluída no programa municipal “Vén a Fene. Vén a Magalofes” e celebrarase en horario de mañá.

Non se precisa de inscrición previa e basta con presentarse ás 11 horas no local social da AVV de Magalofes, de onde partirá para descubrir as principais fontes da parroquia, un patrimonio único que non defraudará.
16-04-2019

A Oficina de Turismo de Fene abre as súas portas durante a Semana Santa

O concelleiro de Promoción Turística, Juan José Franco, informou esta mañá de que a Oficina Municipal de Turismo abrirá as súas portas durante esta Semana Santa. O horario previsto é de mañá (entre as 10,30 e as 13 horas) e tarde (entre as 17 e as 19 horas), dende o xoves ata domingo. A oficina está emprazada na Avenida Naturais e, nela, ofrecerase un servizo de acollida, orientación e asistencia aos visitantes, facilitándolles información sobre os principais recursos do municipio e tamén a programación cultural e deportiva.
 
12 3 4 5 6 7 8 9 >>