A Concellaría de Promoción Económica volve colaborar coa asociación O Cruceiro na organización do Outlet Merca en Fene, un evento cheo de fantásticas oportunidades cos mellores prezos que vai desenvolverse na fin de semana do 4, 5 e 6 de marzo. Falta case un mes, pero desde o departamento informan que xa está aberto o prazo de inscrición na cita, que deberá formalizarse a través do correo desenvolvemento.local@fene.gal ata o venres 18 de febreiro.
O Concello e máis a Asociación de Comercio, Hostalaría e Servizos de Fene "O Cruceiro" están ultimando a programación definitiva dunha cita aberta a todos os establecementos do municipio coa que se pretende fomentar e reactivar o consumo no comercio local.

O paseo marítimo de San Valentín acollerá durante toda a xornada deste domingo 6 de febreiro a Feira de Artesanía organizada pola Concellaría de Promoción Económica, na que se darán cita 24 postos de dentro e fóra de Fene. A iniciativa busca poñer en valor a creación de proximidade ofrecéndolles ás artesás e artesáns participantes un espazo compartido -baixo carpa- no que expor e vender as súas manufacturas. 

Dentro do Programa Fene Vivo Plus, o Concello de Fene impulsa a protección e divulgación do patrimonio pesqueiro, arquitectónico, cultural, a súa cultura Indiana ou de Ultramar, xa que xogan un papel importante na nosa diferenciación e son fundamentais para crear e impulsar un microdestino de calidade e sostible.
Entre as actividades programadas, salienta o Showcooking con Degustación que terá lugar este sábado 27 de novembro na Praza do Alcalde Ramón José Souto González, dirixido pola Beatriz Sotelo, que cociñará en vivo e en directo os produtos de excelencia da nosa ría, en 4 pases abertos ao público (50 persoas por pase, por rigorosa orde de inscrición), con posterior degustación gratuíta.