Casa de sobrado en Conces de Arriba
Inicio Fene descúbreo Patrimonio histórico Casa de sobrado en Conces de Arriba
Fene
![Casa de sobrado en Conces de Arriba](../../../media/../media/img/casaconcesdearriba.jpg)
Esta casa está situada no lugar de Conces de Arriba. Trátase dunha casa de sobrado, é dicir, contando cunha planta rectangular, o seu baixo está dividido por un corredor en dúas estancias, cociña e corte, con esta nun nivel inferior ao da cociña; sobre a corte levántase un piso de madeira ao que se accede a través dunha escaleira. E aí onde se sitúan as habitacións para a familia, pero ese piso non ten continuidade por riba da cociña.
Os seus muros son de cachotería, e algúns cachotes de maior calidade e tamaño son utilizados no van dunha das fiestras e nos esquinais. O resto dos vans, excepto unha das fiestras, aparecen cun recerco.
Na fachada principal aparece tamén un alpendre ao lado da porta de entrada; os seus muros son tamén de cachotería e a súa cuberta conta cunha única vertente que é de tella curva. Na fachada posterior, ábrese no baixo outra porta e unha fiestra cun tornachuvias de cemento. No piso ábrese cadansúa fiestra en ambas as dúas fachadas. A cuberta que conta cunha estrutura de madeira está cuberta con tella do país e conta con tres augas. En dous dos seus laterais levántanse dúas chemineas, unha de maiores dimensións para a lareira e outra máis pequena para a cociña