Casa con galería na estrada da Palma
Inicio Fene descúbreo Patrimonio histórico Casa con galería na estrada da Palma
Maniños
![Casa con galería na estrada da Palma](../../../media/../media/img/casgaleriapalma.jpg)
Esta casa está situada na estrada da Palma. Conta cunha planta rectangular e unha distribución interna en baixo, planta e baixo cuberta; a súa cuberta é a dúas augas e con cubrición de tella curva, levántase unha cheminea nunha das súas esquinas e as fiestras dos laterais están protexidas por tornachuvias. Polo tanto nesta construción estaríase seguindo un modelo típico do rural galego. Porén a súa decoración convértea nun tipo diferente de vivenda.
Nas súas dúas fachadas sitúanse dúas galerías no primeiro andar que ocupan todo o longo da fachada. A fachada principal é a que presenta unha maior decoración. Ademais da ornamentación que se atopa na galería, a planta baixa aparece decorada con molduras pintadas con diferentes cores nos espazos situados entre os vans. Ademais nas fiestras sitúanse unhas varandas de madeira labrada. Todo o predio aparece rodeado por unha muralla que na fachada queda convertida nun decorativo peche composto por columnas de cemento con molduras na súa parte superior e con barrotes que deixan paso a un portalón de ferro forxado.