Data 24-10-2024
Para conmemorar o Día das Bibliotecas, que se celebra neste 24 de outubro, a Biblioteca Municipal de Fene agasallará cun libro a todos os usuarios/as -tanto nenos/as como persoas adultas- que se acheguen ás súas instalacións este xoves e fagan uso do seu servizo de empréstito de libros, revistas, cd´s, dvd´s, etc.
Cada 24 de outubro conmemórase do Día das Bibliotecas por iniciativa da Dirección Xeral do Libro, do Cómic e da Lectura, a través da Subdirección Xeral de Coordinación Bibliotecaria. O lema deste ano, "Por un futuro sostible", pretende destacar o papel fundamental que desempeñan as bibliotecas (públicas, escolares, universitarias, especializadas e nacionais/rexionais) na consecución dos Obxectivos de Desenvolvemento Sostible da Axenda 2030.
(Cartaz de Nicolás Aznárez)