Novas

22-07-2026 -
22-07-2026 -
Fene ao día

O Concello de Fene acometerá en agosto a limpeza do cubo do muíño do Parque Lineal do río Cádavo

O Concello de Fene acometerá durante a segunda semana do mes de agosto a limpeza integral do cubo do muíño situado no Parque Lineal do río Cádavo, dentro das actuacións periódicas de conservación e mantemento do patrimonio hidráulico e dos espazos públicos municipais.
Como paso previo a estes traballos, o Concello procedeu xa ao baleirado do cubo, unha actuación imprescindible para facilitar a retirada dos lodos, sedimentos e demais materiais acumulados no fondo. Este proceso permite que os depósitos perdan humidade durante varios días, facendo posible unha intervención máis rápida, segura e eficaz tanto para o persoal como para a maquinaria que participará na limpeza.
A actuación está prevista para a segunda semana de agosto, sempre que as condicións meteorolóxicas sexan favorables, e permitirá recuperar a capacidade hidráulica do cubo, mellorar o seu estado de conservación e garantir o correcto mantemento deste elemento patrimonial integrado nun dos espazos de esparecemento máis frecuentados do municipio.
Ver máis
17-07-2026 -
17-07-2026 -
Fene ao día

O Concello de Fene inicia as obras de mellora na beirarrúa de acceso ao Centro de Saúde

O Concello de Fene vén de iniciar as obras de acondicionamento e mellora da beirarrúa situada na Avenida de Tarrío, na parroquia de Perlío, concretamente no tramo que dá acceso ao Centro de Saúde, unha actuación orientada a mellorar a accesibilidade e a seguridade das persoas que utilizan diariamente este itinerario.
A intervención permitirá eliminar as deficiencias que presenta actualmente a beirarrúa, renovando por completo o firme para ofrecer un espazo máis accesible e seguro, especialmente para as persoas con mobilidade reducida, maiores e familias con carriños infantís.
Ver máis
15-07-2026 -
15-07-2026 -
Museo do Humor Xaquín Marín

Juan Gabriel Benavides, Juli Sanchís, Anxo Iglesias e Matías Tolsá son os gañadores dos XXX Premios Curuxa do Humor

Na xuntanza celebrada este mediodía no Museo do Humor Xaquín Marín, o xurado do XXX Concurso de Humor Gráfico e Caricatura Curuxa do Humor acordou outorgar a Juan Gabriel Benavides o 1º premio Curuxa, a Juli Sanchís, Harca, o 2º premio Curuxa; a Anxo Iglesias o 1º premio Curuxa Nova e a Matías Tolsá o premio da categoría Caricatura. Ademais, recibiron mención de honra no certame Antonio Sabín Anca, Tonisavski, e Sebastià Martí Benedí (na categoría Curuxa); e Roberto Bianchi e Iván Mata Tamayo (na categoría Caricatura)
O xurado estivo formado polos humoristas gráficos Xaquín Marín, Luís Davila e Carlos López (Pinto&Chinto), completándose coa responsable do museo fenés, Almudena Marcos, que actuou en calidade de secretaria do concurso.
Ver máis
13-07-2026 -
13-07-2026 -
Museo do Humor Xaquín Marín

O Museo do Humor Xaquín Marín dará a coñecer este mércores as obras gañadoras dos Premios Curuxa 2026

O Museo do Humor Xaquín Marín anuncia que este mércores 15 de xullo está prevista a xuntanza o xurado do concurso de humor gráfico e caricatura Premios Curuxa 2026. Os humoristas graficos Xaquín Marín, Luís Davila e Carlos López (Pinto&Chinto) e a responsable do Museo do Humor Xaquín Marín, Almudena Marcos (que actuará en calidade de secretaria) compoñen nesta edición o xurado do certame que se reunirá o mércores ás 11.00 horas no museo fenés para avaliar as obras presentadas. O mesmo día, ao longo da tarde, darase a coñecer o fallo a través da páxina web e redes sociais do Concello de Fene e Museo do Humor Xaquín Marín.
Ver máis
13-07-2026 -
13-07-2026 -
Fene ao día

Fene acollerá unha xornada gratuíta de degustación para poñer en valor as Ostras do Artábrico

O Concello de Fene acollerá este martes 14 de xullo unha xornada de degustación dedicada ás Ostras do Artábrico, unha iniciativa que busca divulgar e poñer en valor este produto do mar a través dunha experiencia gastronómica aberta ao público.
A actividade desenvolverase nunha carpa instalada na praza do Concello de Fene, entre as 19.00 e as 21.30 horas. A participación será gratuíta, aínda que o aforo é limitado, polo que será necesario realizar inscrición previa a través da ligazón i.gal/ostras.
Ver máis
13-07-2026 -
13-07-2026 -
Deporte

A partir deste martes os clubs deportivos de Fene poderán solicitar horas de adestramento de pretempada e tempada 2026-27 nas instalacións deportivas municipais

O martes 14 de xullo abre o prazo para que os clubs de Fene soliciten horas de adestramento para a pretempada no campo de Fútbol Os Pinares e no pavillón polideportivo da Xunqueira, así como para a tempada 2026/2027 no campo de Fútbol e nos dous pavillóns municipais.
Os clubs que estean interesados deben remitir nas datas que se indican na normativa, a relación de horas que soliciten de cada instalación para a pretempada e para a tempada 2026 -2027, especificando o equipo (deporte e categoría) que vai utilizar cada hora. As solicitudes deberán presentarse telemáticamente, na sede electrónica do Concello de Fene (https://sede.fene.gal/sxc/gl/).
Ver máis
09-07-2026 -
09-07-2026 -
Fene ao día

Fene reivindica a cultura, a memoria e o compromiso colectivo no acto institucional do Día da Patria Galega

O Concello de Fene celebrou esta tarde no Parque Lineal o acto institucional con motivo do Día da Patria Galega, unha cita que reuniu veciñanza e representantes do tecido asociativo e institucional para reivindicar a identidade galega, a cultura e o compromiso colectivo co país. A alcaldesa de Fene, Sandra Permuy, pechou o acto cunha intervención na que definiu o 25 de xullo como “un día para celebrar quen somos, de onde vimos e, sobre todo, cara a onde queremos camiñar como pobo”. Durante o seu discurso subliñou que a patria “non é unha idea abstracta nin unha palabra baleira”, senón que “se constrúe cada día” a través da lingua, da cultura, da defensa dos servizos públicos, da igualdade e do traballo colectivo. 
O humorista gráfico, dramaturgo e investigador teatral Paco Oti foi o encargado de elaborar este ano a declaración institucional, cun chamamento á paz, á defensa da identidade galega e ao papel da cultura como ferramenta de construción colectiva 
Ver máis
08-07-2026 -
08-07-2026 -
Fene ao día

Aberto o prazo de inscrición no curso de socorrismo en instalacións e espazos acuáticos naturais que organiza a Mancomunidade

O servizo de Orientación Laboral do Concello de Fene informa da convocatoria, por parte da Mancomunidade de Concellos da Comarca de Ferrol, en colaboración co Deputación da Coruña, dun curso de socorrismo, ao obxecto de garantir a seguridade nas praias e piscinas, mellorando a calidade turística do territorio e ofrecendo unha oportunidade profesional para as persoas interesadas nesta ocupación.
Ver máis
06-07-2026 -
06-07-2026 -
Fene ao día

O Concello de Fene e ADIF impulsan a construción dunha nova pasarela peonil en Perlío para mellorar a seguridade e a permeabilidade ferroviaria

O Concello de Fene e ADIF impulsarán a construción dunha nova pasarela peonil sobre a liña ferroviaria en Perlío, despois de que o pleno do Concello de Fene aprobase por unanimidade o convenio de colaboración entre ambas administracións. A actuación executarase no punto quilométrico 33/910 da liña ferroviaria 804 Betanzos-Ferrol, cun investimento estimado de 700.000 euros, e permitirá mellorar a permeabilidade da infraestrutura ferroviaria e incrementar a seguridade cidadá, eliminando un paso indebido actualmente empregado pola veciñanza.
A solución finalmente escollida corresponde á denominada "Alternativa A.1", seleccionada tras a análise técnica e política das distintas opcións recollidas no estudo de alternativas remitido por ADIF ao Concello.
Ver máis
05-07-2026 -
05-07-2026 -
Cultura

Danza, música e humor na semana central do ciclo Xullo, Mes da Patria que concluirá cun acto institucional no Monumento 25 de xullo e concertos

O luns 6 de xullo ás 20.30h, a praza do alcalde Ramón José Souto González acollerá o espectáculo de danza contemporánea Un Baile Ceibe en Comunidade, da compañía de Fran Sieira, unha proposta que revisita o folclore galego desde unha linguaxe escénica actual. A continuación terá lugar o concerto do grupo Encrucillada, que celebrará o seu décimo aniversario cun repertorio centrado na música para baile e foliada.
 
O martes 7 de xullo ás 20.30h celebrarase unha nova edición do tradicional Festival de Habaneiras e Canto Coral, coa participación da Rondalla Estrelecer, da Coral Polifónica Agarimo de Sillobre, de Tradicoro e da Coral Polifónica O Pote de Maniños.
Ver máis
1234567...139 140 >>