Novas

21-05-2026 -
21-05-2026 -
Fene ao día

O Concello de Fene avanza nos traballos de roza e limpeza nas distintas parroquias

O Concello de Fene continúa desenvolvendo os traballos de roza e limpeza en diferentes puntos do municipio, no marco da planificación anual de mantemento e conservación das vías e espazos públicos.
Na actualidade, as actuacións xa foron executadas nas parroquias de Perlío, Magalofes, Barallobre e Maniños, mentres que nestes días os operarios están a traballar nas parroquias de Fene e Limodre. Unha vez rematadas estas intervencións, está previsto continuar coa parroquia de Sillobre.
Ver máis
21-05-2026 -
21-05-2026 -
Cultura

A Concellería de Cultura presenta parte da súa programación anual, un amplo abano de propostas totalmente de balde, dirixidas a todos públicos.

O Concello de Fene ven de acollerse un ano máis ás convocatorias de Cultura no Camiño (AGADIC) e Ler Conta Moito da Xunta de Galicia e a Rede Cultural da Deputación da Coruña para o ano 2026. Entre estas tres subvencións e os fondos propios, a Concellería de Cultura organiza a meirande parte da programación cultural anual do Concello. Trátase dun amplo abano de propostas totalmente de balde, dirixidas a todos públicos.
Ver máis
18-05-2026 -
18-05-2026 -
Cultura

As III Xornadas Literarias do Pote traerán a Fene á gañadora o Premio Xerais 2025, Abril Camino

A Concellería de Cultura do Concello de Fene xunto coa ACRD O Pote de Maniños e AETNA organizan unha nova edición das Xornadas Literarias do Pote (Maniños). A cita será o venres 12 de xuño a partir das 18.00 horas e incluirá presentacións de libros, charlas e feira literaria.
As Xornadas Literarias do Pote naceron “coa vontade de converter o noso concello nun espazo de encontro arredor da cultura, da lectura e da creación literaria de autores e autoras galegas”. Un dos principais atractivos do encontro será a presentación da obra gañadora do último Premio Xerais 2025, Mulleres que viven xuntas, a cargo da súa autora, Abril Camino. Pero ademais, nesta ocasión participarán no evento: Óscar Reboiras (A agonía das folerpas) e Rober Cagiao (autor de Cadea de favores e A Dama de Amboto) para falar da novela negra na Galiza; Rodrigo Costoya (Fillos de Gael e O século do milagre) coas súas aventuras medievais e do Camiño de Santiago; e Fran Alonso (Cáncara), responsable de Edicións Xerais.
Ver máis
15-05-2026 -
15-05-2026 -
Fene ao día

O pleno de Fene aproba por unanimidade iniciar a contratación do novo PXOM

O pleno do Concello de Fene aprobou este venres o expediente de contratación do servizo de redacción do novo Plan Xeral de Ordenación Municipal (PXOM), un paso decisivo para actualizar o planeamento urbanístico municipal tras máis de vinte anos de vixencia do actual documento. A proposta saíu adiante por unanimidade.
O novo PXOM substituirá o documento urbanístico actualmente en vigor, aprobado definitivamente no ano 2003, e permitirá adaptar o desenvolvemento urbanístico de Fene á normativa actual, aos cambios sociais e ás necesidades territoriais, ambientais e residenciais do municipio.
Ver máis
15-05-2026 -
15-05-2026 -
Cultura

Concerto de As Pías no acto de presentación do libro gañador do XXXVIIII Premio Nacional de Poesía Xosemaría Pérez Parallé

O CMI Unidade de Fene acolle este sábado a presentación de Vestiario, poemario co que Paula Currás Prada gañou o XXXVIII Premio Nacional de Poesía Xosemaría Pérez Parallé que organiza a entidade fenesa coa colaboración do Concello de Fene e a editorial Espiral Maior. O acto comezará ás 20.30 horas, con entrada libre e de balde até completar aforo. Ao remate actuará o grupo As Pías, concerto organizado pola Concellería de Cultura coa colaboración da Rede Cultural da Deputación da Coruña.
As Pías é un grupo de música tradicional galega de corda e vento que interpreta pezas tradicionais galegas arranxadas: de cancioneiros, de composición propia e de autores/as amigos. Tocadas con instrumentos tradicionais de corda mas tamén de vento como a requinta, o pito e a gaita galegas, ten tamén pezas cantadas tradicionais do repertorio galego e portugués.
Ver máis
13-05-2026 -
13-05-2026 -
Fene ao día

O Concello de Fene aclara o funcionamento das taxas de depuración e lixo ante as dúbidas da veciñanza

O Concello de Fene quere aclarar diferentes cuestións relacionadas co cobro das taxas de depuración de augas residuais e do servizo de recollida e tratamento do lixo, ante as dúbidas trasladadas por parte da veciñanza nas últimas semanas. Desde o goberno municipal sublíñase que ambas cuestións responden á necesidade de garantir a sustentabilidade dos servizos públicos e ao cumprimento das obrigas legais e normativas vixentes, ao tempo que se está a procurar que a súa aplicación sexa o máis gradual e asumible posible para as familias.
Ver máis
13-05-2026 -
13-05-2026 -
Fene ao día

Os Concellos de Fene, Ares e Neda impartirán a partir do mes de xuño o obradoiro de emprego REINICIA XII

Financiado pola Consellería de Emprego, Comercio e Emigración, o programa formará a 20 alumnos ou alumnas traballadores nas especialidades de Aplicación de vernices e lacas en elementos de carpintería e moble (curso de nivel 1), Traballos de carpintería e moble (nivel 1) e Atención sociosanitaria a persoas dependentes en institucións sociais (curso de nivel 2 polo que require nivel de estudos de ESO ou equivalente).
Desde o inicio da súa participación no obradoiro, o alumnado traballador será contratado pola entidade promotora na modalidade de contrato para a formación e a alternancia, polo que percibirá unha retribución equivalente ao salario mínimo interprofesional. E, ao remate do programa, o/a traballador/a terá o Certificado de Profesionalidade da especialidade realizada, amais de estar capacitado para continuar traballando na profesión adquirida.
Ver máis
12-05-2026 -
12-05-2026 -
Fene ao día

O Concello de Fene contratará a tres peóns ou peoas de obras no marco do programa PEL 2026 da Deputación da Coruña

Trala publicación das bases coa información sobre o proceso selectivo no Boletín Oficial da Provincia deste luns, 11 de maio, e na web municipal o Concello de Fene tramitará ao longo desta semana ante a oficina de emprego de Ferrol-Esteiro as ofertas de emprego para a contratación de tres peóns/oas de obras públicas para a realización de obras e servizos mínimos municipais, no marco do Plan de Emprego Local da Deputación da Coruña.
As persoas traballadoras que se contraten deberán ser persoas desempregadas maiores de 16 anos e inscritas no Servizo Público de Emprego de Galicia como demandantes non ocupadas. Deberán ademais estar dispoñibles para o emprego e dentro da casuística que recolle o programa.
Ver máis
12-05-2026 -
12-05-2026 -
Museo do Humor Xaquín Marín

Debuxando con tesoiras

No marco da VI mostra do alumnado Laudas Calamity que se amosa na Casa da Cultura, a escola de arte fenesa e o Museo do Humor Xaquín Marín convidan a nenos e maiores a participar este venres, 15 de maio, na creación dunha obra artística colectiva inspirada na obra de Henri Matisse. O obradoiro, cunha duración aproximada de hora e media, comezará ás 17 horas na sala de exposicíons temporais da Casa da Cultura. Vai dirixido a persoas de todas as idades a partir dos 5 anos (os nenos/as de 5 a 7 anos deberán estar acompañados por unha persoa adulta). Para inscribirse cómpre enviar -antes do venres ás 14.00 horas- un correo electrónico a museodohumor@fene.gal indicando: nome e apelidos, idade e teléfono de contacto.
Ver máis
08-05-2026 -
08-05-2026 -
Fene ao día

O Concello de Fene adxudica as obras de mellora da rúa da Fonte por 173.000 euros

O Concello de Fene vén de adxudicar as obras de mellora da rúa Fonte, cun investimento de 173.075,6 euros, nunha actuación considerada estratéxica tanto polo importante número de vivendas existentes na contorna como por tratarse dun dos principais accesos ás praias fenesas do litoral da ría de Ares, especialmente aos areais do Coído e Río Sandeu.
O vial presenta actualmente unha situación de desgaste que fai necesaria a renovación do firme e a mellora das condicións xerais de circulación e drenaxe. O proxecto contempla o mantemento da canalización de augas fecais existente e a mellora da recollida de augas pluviais mediante a instalación dunha nova rede canalizada, composta por colectores de PVC de 250, 315 e 400 milímetros de diámetro, así como os correspondentes pozos e sumidoiros.
Ver máis
1234567...133 134 >>