Novas

01-09-2026 -
01-09-2026 -
Benestar e igualdade

Iniciación ao mundo dixital para maiores de 55 anos

O concello de Fene en colaboración coa fundación Cibervoluntarios organiza un curso gratuíto de formación en competencias dixitais para impulsar a autonomía dixital en maiores de 55 anos, os días 14 e 16 de setembro de 2026.
Ver máis
31-08-2026 -
31-08-2026 -
Fene ao día

O Outlet de Fene regresa esta fin de semana coa participación de 18 establecementos locais

A iniciativa desenvolverase nas propias tendas con horarios especiais e importantes descontos nos produtos
O Concello de Fene impulsa unha nova edición do Outlet de Fene, que se celebrará os días 4, 5 e 6 de setembro, coa participación de 18 establecementos comerciais do municipio. A iniciativa desenvolverase nos propios locais participantes, que ofrecerán produtos en condicións especiais durante tres xornadas.

O horario do Outlet será de 10.00 a 13.30 horas e de 17.00 a 20.00 horas o venres e o sábado, e o domingo de 11.00 de 13.30 horas. Nesta edición participan os seguintes comercios: MasSport, DaMa, Bualá, El Baúl de Bego, Lencería Loly Calvo, Costuras Mercería e Lenceria, Calzados Locay, Mayka Moda, Koralli Boutique, Jomer, Kenia, Berline, A Tenda Agasallos, Dani Reparaciones y Complementos, Cáprica Comics y Juegos, Mi Pachú, Arrecendo e Luale114.
Ver máis
31-08-2026 -
31-08-2026 -
Fene ao día

O Concello de Fene acometerá en setembro a poda de preto de 200 árbores na Avenida Naturais de Fene e Marques de Figueroa

O Concello de Fene levará a cabo durante o vindeiro mes de setembro unha nova campaña de poda e mantemento do arborado urbano na avenida Naturais de Fene e na avenida Marqués de Figueroa, dentro da planificación anual de conservación dos espazos públicos municipais.
A actuación afectará a un total de 197 exemplares, concretamente 152 plátanos (Platanus × hispanica), 43 magnolias (Magnolia grandiflora) e dúas camelias situadas na contorna do cruce de Fene.
Ver máis
28-08-2026 -
28-08-2026 -
Fene ao día

Cambios na programación do I Festival Intercéltico Fene Interculturas debido á previsión de choiva

A Noite Celta, prevista para a noite do sábado, trasládase ao local da SCRD O Pote (Maniños) para garantir o correcto desenvolvemento das actuacións.
En canto ao gran desfile, manterase pendente da evolución da meteoroloxía. A organización decidirá a súa adaptación en función das previsións co obxectivo de preservar os traxes tradicionais e os instrumentos das agrupacións participantes. De poder celebrarse, rematará na Casa do Concello, e non na Fonte do Campo como estaba previsto inicialmente.
Agradecemos a comprensión de todas e todos e animámosvos a acompañarnos nesta primeira edición deste Festival. A choiva non vai impedir que celebremos a nosa cultura e tradición! 
Ver máis
27-08-2026 -
27-08-2026 -
Deporte

O domingo 6 de setembro Fene celebrará a XXXII edición do Día do Deporte na Rúa

O evento, celebrarase o domingo, 6 de setembro, despois do seu aprazamento no mes de xullo por vaga de calor e desenvolverase na contorna da Avenida do Tarrío, a rúa San Salvador e o CCRD de Perlío en horario de mañá.
Ver máis
27-08-2026 -
27-08-2026 -
Deporte

O 1 de setembro a Piscina Municipal abre a súas portas para nado libre e adestramentos de clubs.

O Departamento de Deportes informa da apertura ao público da Piscina Municipal de Centieiras a partir do vindeiro 1 de setembro. A instalación quedará habilitada para a práctica do nado libre, así como para o desenvolvemento dos adestramentos solicitados polas entidades e clubs deportivos que formalicen a correspondente reserva de espazo.
Ver máis
26-08-2026 -
26-08-2026 -
Fene ao día

O Concello de Fene mellora da pavimentación do paseo de San Valentín

O Concello de Fene está a realizar traballos de reparación e acondicionamento da pavimentación de lousa do paseo de San Valentín, unha actuación coa que mellorará o estado de conservación deste espazo, reforzando a seguridade das persoas usuarias.

A intervención céntrase na retirada das pezas de lousa que presentaban un maior deterioro, estaban soltas ou desniveladas, procedendo posteriormente á preparación da base e á súa recolocación. Deste xeito estase a recuperar a uniformidade do pavimento, eliminando os puntos que presentaban un maior desgaste polo paso do tempo e o uso continuado.
Ver máis
26-08-2026 -
26-08-2026 -
Deporte

Horarios adestramento

Unha vez rematado o prazo de solicitude para adestrar no Campo de fútbol Os Pinares durante a Tempada 2026/2027 e no pavillón A Xunqueira durante a pretempada (1 a 30 de setembro) 2026/2027, fanse públicos os horarios de adestramento para clubs federados do Concello de Fene nos mencionados periodos.

As horas libres no pavillón A Xunqueira durante o mes de setembro poderán ser solicitados tanto por particulares como por outros clubs ou sociedades doutros concellos. Para isto deberán cubrir a folla de solicitude e entregala por rexistro (tanto presencial como telemático) a partir das 8:00 horas do 27 de agosto de 2026.

Os prazos para entregar as solicitudes de adestramento da Tempada 2026/2027 tanto no pavillón A Xunqueira e
como no pavillón O Ramo para os clubs federados de Fene continúan abertos ata o 16 de setembro.
Ver máis
24-08-2026 -
24-08-2026 -
Fene ao día

O Concello de Fene mellora o cubo do muíño do Parque Lineal e programa a limpeza dos ríos urbanos para setembro

O Concello de Fene está a executar estes días os traballos de limpeza e acondicionamento do cubo do muíño situado no Parque Lineal do río Cádavo, unha actuación que permitirá mellorar o estado de conservación deste espazo e recuperar elementos que levaban anos sen funcionar.
As intervencións inclúen a limpeza integral do cubo, o seu acondicionamento para evitar filtracións de auga e a renovación do sistema de iluminación. O obxectivo é poñer novamente en valor este elemento patrimonial e ambiental do Parque Lineal, mellorando tanto a súa imaxe como as condicións de conservación, seguridade e desfrute por parte da veciñanza.
Ver máis
24-08-2026 -
24-08-2026 -
Deporte

As citas para apuntarse nas prazas libres das escolas deportivas e culturais municipais comezarán a darse o día 7 de setembro

As citas poderán solicitarse a partir do 7 de setembro e o prazo de matrícula presencial estará aberto do 10 ao 17 de setembro. Será obrigatorio pedir cita previa para facer o trámite, que se centralizará no pavillón da Xunqueira.
Para solicitar CITA PREVIA temos que ter en conta os seguintes prazos:

Residentes e escolarizados/as en Fene: Días 7 e 8 de de setembro de 9:00 a 14:00 horas
Poboación en xeral: 9 de setembro. De 9:00 a 14:00 horas
A cita solicitarase nos teléfonos: 981 492 804 / 607 626 812
Ver máis
1234567...141 142 >>