Novas

02-02-2026 -
02-02-2026 -
Fene ao día

Fene celebrará o 25 de abril unha nova edición da Xuntanza de Palilleiras no Pavillón da Xunqueira

O Concello de Fene vén de anunciar a celebración dunha nova edición da Xuntanza de Palilleiras, que terá lugar o venres 25 de abril no Pavillón A Xunqueira, un evento xa consolidado no calendario local e comarcal.
A xornada desenvolverase en horario de 10.30 a 14.00 horas e de 16.00 a 19.00 horas, e como en edicións anteriores converterase nun espazo de encontro, intercambio e convivencia arredor das técnicas téxtiles tradicionais e contemporáneas. Ao longo do día daranse cita persoas afeccionadas ao encaixe de palillos, bordado, calceta, patchwork e a outros moitos traballos artesanais, nun ambiente participativo e aberto.
O prazo de inscrición permanecerá aberto até o 10 de abril, e as persoas interesadas poden obter máis información ou formalizar a súa participación chamando ao 981 492 767.
Ver máis
30-01-2026 -
30-01-2026 -
Fene ao día

Limodre acolle este sábado a estrea do documental “A Escola da Memoria”

 O Concello de Fene e a Asociación Veciñal de Limodre organizan este sábado, 31 de xaneiro, ás 18.00 horas na Igrexa de Limodre, a estrea pública do documental “A Escola da Memoria”, unha obra que recupera a historia da antiga escola da parroquia a través das voces das persoas que foron alumnado entre 1932 e 2000, converténdose nun valioso legado audiovisual para a comunidade.
O acto contará coa presenza das persoas protagonistas do filme, da directiva da AVV de Limodre, encargada da documentación, coordinación e guionización do proxecto, así como do director, Iago Varela, para quen esta produción supón o seu primeiro mediometraxe, tras diversas experiencias previas no ámbito da creación audiovisual
Ver máis
29-01-2026 -
29-01-2026 -
Fene ao día

O Concello de Fene licita a obra de mellora da Rúa Fonte por preto de 157.000 euros

O Concello de Fene vén de iniciar o proceso de licitación das obras de mellora do camiño municipal da Rúa Fonte, cun orzamento base de 156.960,05 euros, e financiamento con cargo ao POS+ Adicional 2/2025 da Deputación da Coruña. As empresas interesadas poderán presentar as súas ofertas ata o 12 de febreiro.
Ver máis
22-01-2026 -
22-01-2026 -
Fene ao día

Fene leva a FITUR a súa aposta polo turismo cultural e a creación contemporánea

O Concello de Fene participa esta semana na FITUR, a Feira Internacional de Turismo que se celebra en Madrid, cunha proposta centrada no turismo cultural e creativo. A alcaldesa, Sandra Permuy, e o concelleiro de Cultura, Justo Ardá, desprazáronse ata a capital para dar a coñecer un modelo turístico propio, baseado na cultura contemporánea, a música alternativa e a arte urbana como elementos diferenciais.
A proposta de Fene en FITUR pivota arredor dun verán cultural que ten como eixes principais os festivais Perla Mural Fest (22-28 de xuño), Felicia Pop (31 de xullo – 1 de agosto) e FeneRock (setembro), aos que se suma o xa consolidado Mes da Patria. Conxuntamente, estas citas configuran unha programación continuada que converte o concello nun referente da cultura alternativa en Galicia, cun impacto crecente tanto a nivel local como exterior.
Ver máis
16-01-2026 -
16-01-2026 -
Fene ao día

Fene presenta “Mulleres da Reconversión”, un proxecto para recuperar a memoria das mulleres na reconversión naval

O Salón de Plenos da Casa do Concello de Fene acolleu esta mañá a presentación do proxecto “Mulleres da Reconversión”, unha iniciativa impulsada pola Área de Igualdade da Deputación da Coruña en colaboración co Concello de Fene, que ten como obxectivo recuperar, visibilizar e poñer en valor as historias de vida das mulleres vinculadas á reconversión naval e á transformación industrial da comarca de Ferrolterra ata os nosos días.
No acto participaron Sol Agra, deputada de Igualdade da Deputación da Coruña; Cristina García, deputada provincial de Plans; Sandra Permuy, alcaldesa de Fene; e Carla Chawla, directora de Navantia Fene, que amosaron o seu apoio ao proxecto e destacaron a importancia de rescatar unha memoria colectiva historicamente invisibilizada.
Ver máis
16-01-2026 -
16-01-2026 -
Cultura

Abre o prazo de inscripción para as comparsas que queiran participar no desfile e festival do mércores de Cinza no Concello de Fene

A Concellería de Cultura ultima os preparativos do Entroido 2026 que terá lugar nas xornadas do martes 17 e mércores 18 de febreiro (Mércores de Cinza, festiva local no noso concello). O ciclo comezará o martes 17 de febreiro a partir das 18.00 horas e baixo carpa a festa infantil e a tradicional merenda con reparto de lambetadas, coa colaboración da AC O Tadetas, para todos os nenos e nenas que se acheguen disfrazados. Para rematar, e a partir das 21.00 horas, comezará a actuación da orquestra Marbella.

As actividades do Entroido continuarán o mércores día 18 de febreiro coa concentración de comparsas ás 17.45 horas na rúa San Salvador (Pista Polideportiva do CCRD Perlío), para iniciar ás 18.00 horas o percorrido pola Avda. Marqués de Figueroa, Rúa da Fraga e rematar na Avda. do Concello. Ao chegar á Praza do alcalde Ramón José Souto González, terá lugar a actuación das comparsas, a lectura do Testamento, a queima do Entroido e o espectáculo pirotécnico (Parque Casteao).
Ver máis
15-01-2026 -
15-01-2026 -
Fene ao día

A alcaldesa de Fene traslada ao Congreso e ao Parlamento Galego a necesidade de reforzar o futuro industrial de Navantia recuperando o sector naval

A alcaldesa de Fene, Sandra Permuy, realizou unha visita institucional ás instalacións de Navantia Fene acompañada polos deputados do BNG no Congreso, Néstor Rego, e no Parlamento de Galicia, Mon Fernández. A visita, solicitada pola propia alcaldesa, tivo como obxectivo coñecer de primeira man o resultado das transformacións levadas a cabo no estaleiro para adaptarse ao novo negocio da eólica mariña.
Ver máis
13-01-2026 -
13-01-2026 -
Benestar e igualdade

Indira 2026. Espazo de encontro entre mulleres

A Concellería de Igualdade do Concello de Fene, a través do Servizo Municipal de Atención á Muller, pon en marcha un novo Espazo para Mulleres enmarcado dentro do denominado Proxecto INDIRA, actividade que se ven desenvolvendo dende o ano 2018 de xeito ininterrompido cun total de dúas edicións por ano.

A primeira edición de este ano 2026 desenvolverase durante os meses de febreiro a maio de 2026, dende o 4 de febreiro ata o 27 de maio. Unha sesión semanal de 2 horas de duración que se realizarán os mércores de 10:00h a 12:00h da mañá.
Ver máis
13-01-2026 -
13-01-2026 -
Cultura

Fene estrea a programación cultural de 2026 coa exposición do XIX Premio Luis Ksado

As fotografías gañadoras e finalistas do 19º premio internacional Luís Ksado de creación fotográfica da Deputación da Coruña amósanse neste mes de xaneiro na Casa da Cultura de Fene. A mostra, aberta ao público desde o martes 13 de xaneiro, poderá visitarse até o vindeiro 28 de xaneiro en horario: de luns a venres, de 10.00 a 13.00 e de 16.00 a 21.00 horas, e os sábados, de 10.00 a 13.00 horas. As persoas que se acheguen a ver a mostra recibirán un catálogo da mesma, até fin de existencias.
Ver máis
13-01-2026 -
13-01-2026 -
Cultura

A doutora en Xeoloxía Irene Pérez Cáceres aborda esta semana no ciclo Contando Ciencia a cuestión das terras raras

Co comezo do novo ano, retómase o V ciclo Contando Ciencia, programa que organiza a Biblioteca O Segrel do Penedo do IES de Fene coa colaboración da Concellería de Ensino de Fene. Faino este xoves, 15 de xaneiro, coa conferencia Terras raras: nin son terras nin son raras, a cargo de Irene Pérez Cáceres, doutora en Xeoloxía e técnico da Cámara Oficial Mineira de Galicia. A cita será, unha vez máis, na Casa da Cultura de Fene, ás 19.30 horas, e con entrada libre e de balde.
Durante a súa intervención en Fene, Irene Pérez Cáceres, explorará o que son as terras raras, dende o seu descobremento ata as súas aplicacións na sociedade actual. Abordará a importancia estratéxica destes elementos críticos para as tecnoloxías modernas e a transición enerxética, dende dispositivos electrónicos ata vehículos eléctricos e enerxías renovables.
Ver máis
1 2 ...4 5 67 8 ...132 133 >>