Novas

07-08-2026 -
07-08-2026 -
Fene ao día

Fene estrea o seu primeiro “Faladoiro”, un novo espazo urbano pensado para o encontro e a convivencia

O Concello de Fene vén de instalar o primeiro Faladoiro, unha nova iniciativa coa que pretende recuperar pequenos espazos urbanos para convertelos en lugares de encontro, descanso e conversa entre a veciñanza.
O primeiro destes espazos está situado na Avenida Naturais de Fene, nun punto especialmente frecuentado, e nace coa vocación de ofrecer un lugar cómodo e agradable onde facer unha pausa, compartir unha conversa ou simplemente desfrutar da contorna. A presenza de sombra e dun mobiliario pensado para favorecer a estancia converten este novo espazo nun punto de encontro aberto a persoas de todas as idades.
Ver máis
03-08-2026 -
03-08-2026 -
Fene ao día

O Concello de Fene continúa mellorando as beirarrúas da avenida de Tarrío e completará a actuación coa plantación de árbores

 O Concello de Fene continúa executando os traballos de acondicionamento das beirarrúas da avenida de Tarrío, na parroquia de Perlío, unha actuación destinada a mellorar a accesibilidade, a seguridade e a imaxe urbana deste importante eixo de comunicación do municipio.
As obras avanzan segundo o previsto e contemplan a renovación dos pavimentos e a reorganización da zona peonil, co obxectivo de ofrecer un espazo máis cómodo e seguro para a veciñanza, especialmente para as persoas con mobilidade reducida, maiores e familias con carriños infantís.
Ver máis
31-07-2026 -
31-07-2026 -
Fene ao día

O Felicia Pop volve converter Fene nun referente da música independente esta fin de semana

O Parque da Hortiña de Limodre prepárase para acoller esta fin de semana unha nova edición do Felicia Pop, unha das citas musicais máis consolidadas e emblemáticas do verán galego, que volverá reunir esta fin de semana a centos de persoas chegadas de diferentes puntos de Galiza e de outras comunidades.
Con motivo do inicio do festival, a alcaldesa de Fene, Sandra Permuy, e os concelleiros de cultura e servizos, Justo Ardá e Adán Chao, mantiveron un encontro cos representantes da organización para revisar os últimos preparativos e coordinar os diferentes aspectos relacionados co desenvolvemento do evento.
Ver máis
31-07-2026 -
31-07-2026 -
Fene ao día

O Concello de Fene recupera a celebración das festas patronais de San Salvador

O Concello de Fene recupera este ano a celebración das festas patronais de San Salvador, unha cita que volverá formar parte do calendario festivo do municipio os días 5 e 6 de agosto cunha programación pensada para todas as idades e que combinará música, animación, gastronomía e tradición.
A iniciativa parte do propio Concello, que decidiu impulsar directamente a organización da festa co obxectivo de recuperar unha celebración profundamente vencellada á historia da vila. Deste xeito, o municipio volverá celebrar o seu patrón coincidindo co festivo local de San Salvador, recuperando unha cita que durante anos formou parte do calendario festivo de Fene.
Ver máis
29-07-2026 -
29-07-2026 -
Cultura

O Concello de Fene leva ao festival Felicia un concerto de The Homens

O grupo compostelán The Homens amenizará este sábado, 1 de agosto, a sesión vermú do Felicia Pop Festival no Parque da Hortiña de Limodre, a partir das 12.30 horas. A actuación está organizada pola Concellería de Cultura coa colaboración do programa Cultura no Camiño, da Xunta de Galicia. Entrada libre e de balde.
Dez anos despois do seu último concerto e dezaseis trala publicación do último disco, volven The Homens! Nesta nova etapa, o trío referente do power pop en galego combinará en directo as cancións das súas catro referencias discográficas.
Ver máis
28-07-2026 -
28-07-2026 -
Cultura

Peche da Casa da Cultura de Fene durante a primeira quincena de agosto

Debido a tarefas de mantemento previstas na instalación, a Concellería de Cultura informa do peche Casa da Cultura de Fene (Biblioteca Municipal Xosemaría Pérez Parallé, Museo do Humor Xaquín Marín, aula de estudo e sala de exposicións temporais) entre o 1 e o 16 de agosto.
A partir do luns 17 de agosto reanudarase o horario verán da Casa da Cultura: de luns a venres, de 10.00 a 14.15 horas. Sábados e domingos, pechado.
Ver máis
24-07-2026 -
24-07-2026 -
Fene ao día

O Concello de Fene condena un novo acto vandálico na pasarela de San Valentín e fai un chamamento ao civismo

O Concello de Fene lamenta os danos provocados por un novo acto vandálico na pasarela peonil de San Valentín, onde foi derrubado un tramo da varanda da infraestrutura. Desde o Goberno municipal condenan este tipo de comportamentos, que supoñen un prexuízo para o conxunto da veciñanza e afectan a un espazo moi utilizado tanto por residentes como por persoas visitantes.
O Concello lembra que a pasarela é unha infraestrutura cuxo mantemento corresponde de maneira compartida entre a administración municipal e o servizo de Costas da Xunta de Galiza.
Ver máis
22-07-2026 -
22-07-2026 -
Fene ao día

O Concello de Fene acometerá en agosto a limpeza do cubo do muíño do Parque Lineal do río Cádavo

O Concello de Fene acometerá durante a segunda semana do mes de agosto a limpeza integral do cubo do muíño situado no Parque Lineal do río Cádavo, dentro das actuacións periódicas de conservación e mantemento do patrimonio hidráulico e dos espazos públicos municipais.
Como paso previo a estes traballos, o Concello procedeu xa ao baleirado do cubo, unha actuación imprescindible para facilitar a retirada dos lodos, sedimentos e demais materiais acumulados no fondo. Este proceso permite que os depósitos perdan humidade durante varios días, facendo posible unha intervención máis rápida, segura e eficaz tanto para o persoal como para a maquinaria que participará na limpeza.
A actuación está prevista para a segunda semana de agosto, sempre que as condicións meteorolóxicas sexan favorables, e permitirá recuperar a capacidade hidráulica do cubo, mellorar o seu estado de conservación e garantir o correcto mantemento deste elemento patrimonial integrado nun dos espazos de esparecemento máis frecuentados do municipio.
Ver máis
17-07-2026 -
17-07-2026 -
Fene ao día

O Concello de Fene inicia as obras de mellora na beirarrúa de acceso ao Centro de Saúde

O Concello de Fene vén de iniciar as obras de acondicionamento e mellora da beirarrúa situada na Avenida de Tarrío, na parroquia de Perlío, concretamente no tramo que dá acceso ao Centro de Saúde, unha actuación orientada a mellorar a accesibilidade e a seguridade das persoas que utilizan diariamente este itinerario.
A intervención permitirá eliminar as deficiencias que presenta actualmente a beirarrúa, renovando por completo o firme para ofrecer un espazo máis accesible e seguro, especialmente para as persoas con mobilidade reducida, maiores e familias con carriños infantís.
Ver máis
15-07-2026 -
15-07-2026 -
Museo do Humor Xaquín Marín

Juan Gabriel Benavides, Juli Sanchís, Anxo Iglesias e Matías Tolsá son os gañadores dos XXX Premios Curuxa do Humor

Na xuntanza celebrada este mediodía no Museo do Humor Xaquín Marín, o xurado do XXX Concurso de Humor Gráfico e Caricatura Curuxa do Humor acordou outorgar a Juan Gabriel Benavides o 1º premio Curuxa, a Juli Sanchís, Harca, o 2º premio Curuxa; a Anxo Iglesias o 1º premio Curuxa Nova e a Matías Tolsá o premio da categoría Caricatura. Ademais, recibiron mención de honra no certame Antonio Sabín Anca, Tonisavski, e Sebastià Martí Benedí (na categoría Curuxa); e Roberto Bianchi e Iván Mata Tamayo (na categoría Caricatura)
O xurado estivo formado polos humoristas gráficos Xaquín Marín, Luís Davila e Carlos López (Pinto&Chinto), completándose coa responsable do museo fenés, Almudena Marcos, que actuou en calidade de secretaria do concurso.
Ver máis
1234567...139 140 >>