Novas

11-11-2024 -
11-11-2024 -
Benestar e igualdade

Subvencións ás familias para a adquisición dos agasallos de Nadal

O Concello vén de convocar as subvencións dirixidas ás familias para a adquisición de agasallos para a festividade de Reis. A publicación do anuncio da convocatoria no Boletín Oficial da Provincia do 11 de novembro establece a apertura do prazo de presentación de solicitudes dende mañá, e por un prazo de 15 días hábiles.
Ver máis
11-11-2024 -
11-11-2024 -
Museo do Humor Xaquín Marín

O alcalde de Fene anuncia unha nova convocatoria dos Premios Curuxa para 2025

Os debuxantes Adrián Dopico López (Premio Curuxa 2024), Lucas Sixto Carballeira (Premio Curuxa Nova 2024) e Iván Mata Tamayo (1º premio na categoría Caricatura) recibiron este venres da man do alcalde de Fene, Juventino Trigo, e do concelleiro de Cultura, Justo Ardá, os diplomas que os acreditan como gañadores XXVIII concurso de humor gráfico e caricatura Curuxa do Humor. No acto, o primeiro rexedor fenés louvou o traballo dos premiados, afirmando que “desde o Goberno Municipal de Fene sentímonos moi fachendosos por axudar a difundir - con este premio - a obra dos mellores humoristas gráficos do país”.
Ver máis
07-11-2024 -
07-11-2024 -
Museo do Humor Xaquín Marín

O humorista e actor Pepo Suevos abre este venres o "Novembro, mes do humor" no Museo Xaquín Marín de Fene

Catro espectáculos para público adulto co mellorciño do humor galego protagonizarán as tardes-noites dos venres ao longo do mes de novembro no Concello de Fene. Este venres, coincidindo coa entrega dos Premios Curuxa 2024 dá comezo o ciclo de monólogos “Novembro, Mes do Humor” co que o Museo do Humor Xaquín Marín conmemora o seu aniversario. Todos os espectáculos comezarán ás 20.00 horas e a entrada será de balde, previa recollida de invitacións (até un máximo de dúas por persoa adulta) na conserxería da Casa da Cultura de Fene, o mesmo día da función a partir das 19 horas. Aforo limitado. O ciclo está organizado pola Concellería de Cultura de Fene coa colaboración da Deputación da Coruña (Rede Cultural).
Ver máis
05-11-2024 -
05-11-2024 -
Cultura

Ciencia e arte na segunda sesión do ciclo Contando Ciencia

A xenética no Museo do Prado é o tema da conferencia programada para este xoves na Casa da Cultura de Fene, no marco do ciclo Contando Ciencia que organiza a Biblioteca O Segrel do Penedo do IES de Fene coa colaboración da Concellería de Ensino. A charla, prevista para as 19.30 horas, correrá a cargo do catedrático de Xenética da USC Gonzalo Álvarez Jurado. Entrada libre e de balde até completar o aforo.
Ver máis
04-11-2024 -
04-11-2024 -
Fene ao día

Instrucións da Fegamp para canalizar as axudas aos damnificados pola Dana

O Concello de Fene traslada á veciñanza o comunicado da Federación Galega de Municipios e Provincias (FEGAMP) no que se indica que, perante os problemas de loxística e almacenamento que se están a producir nas zonas afectadas pola Dana, se recomenda "ENVIAR AS AXUDAS A TRAVÉS DE DOAZÓNS ECONÓMICAS" ás organización que traballan coa poboación local. Recomendan ademais que, "aínda que se sigan a recoller produtos (auga e produtos de hixiene corporal maiormente), POLO MOMENTO, SE PARALICEN OS ENVÍOS ás zonas afectadas ata novas indicacións".
Desde o Goberno Municipal de Fene reitérase o compromiso e solidariedade coa poboación damnificada, solicitando á veciñanza que se atendan as indicacións da FEGAMP e que se prioricen as doazóns económicas a organizacións que, como a Cruz Vermella, traballan nas zonas afectadas pola Dana.
Ver máis
04-11-2024 -
04-11-2024 -
Museo do Humor Xaquín Marín

O Museo do Humor Xaquín Marín entrega este venres os Premios Curuxa 2024

Coa entrega dos premios Curuxa 2024, o Museo do Humor Xaquín Marín dá o pistoletazo de saída este venres, 8 de novembro, ás actividades que organiza anualmente ao redor do seu aniversario. Nun acto que comezará ás 20 horas no salón de actos da Casa da Cultura, os debuxantes Adrián Dopico López, Lucas Sixto Carballeira e Iván Mata Tamayo recibirán da man do alcalde de Fene, Juventino Trigo, e do concelleiro de Cultura, Justo Ardá, os diplomas que os acreditan como gañadores do certame este ano. Unha hora antes, ás 19 horas, os representantes da Corporación Municipal de Fene recibirán aos autores premiados na sala de exposicións temporais do museo onde se amosarán, até finais do mes de novembro, os debuxos premiados e unha selección das obras que se presentaron este ano ao certame.
Ver máis
29-10-2024 -
29-10-2024 -
Benestar e igualdade

Unha peixería que ofrece lixo sorprenderá á veciñanza de Fene este mércores 30 de outubro na praza verde de Fene ás 12:30 horas.

Non é produto do Samaín, aínda que ben podería selo. Son os mozos e mozas de 4º do IES de Fene que queren denunciar ante a veciñanza do Concello que o mar está cheo de lixo e contaminación. Para facelo montarán na Praza Verde este mércores unha peixería na que en lugar de vender pescadas, sardiñas, ou xurel, o que ofrecerán será lixo. Lixo de proximidade e ben fresquiño xa que está recollido por eles mesmos nas praias e no propio concello.
O alumnado fenés ideou esta acción, tras o paso por un obradoiro previo de comunicación de guerrilla, coa finalidade de concienciar á súa veciñanza sobre como  lixo e a contaminación que hai nos océanos pon en perigo a supervivencia dalgunhas especies emblemáticas para a nosa gastronomía. A veciñanza que se pasee por esta “peixería do lixo” atopará información sobre o estado de conservación vulnerable de algunhas especies como o polbo, a ameixa, o berbercho ou o bacallau, afectados directamente pola contaminación, a sobrepesca ou co quentamento global.
Ver máis
29-10-2024 -
29-10-2024 -
Deporte

A Concellería de Deportes amplía ata o 10 de novembro o prazo para o envío de información relativa a IV Gala do Deporte.

Tal e como vimos informando, o Concello de Fene publicou recentemente as bases que rexen a organización dunha nova edición da Gala do Deporte,  que se celebrará o día 30 de novembro. Evento co que se pretende “reunir ás persoas e entidades do deporte fenés ao redor dun día de festa no que salientar o labor de quen contribúen a desenvolver e ampliar a práctica deportiva no noso Concello”. Recoñécese, deste xeito, o seu traballo e traxectorias deportivas relevantes no ano ou tempada 2023-4. Poden optar tanto as persoas físicas, clubs deportivos como as entidades do municipio que cumpran os requisitos establecidos en cada unha das categorías. 
A concellería de Deportes  consciente da necesidade de ampliación  de prazo, informa que poderemos enviar a información até ás 23.59 h do 10 de novembro. Lembrándonos ademais da  dirección de correo electrónico habilitada para elo: deportes.fene@gmail.com.
Ver máis
29-10-2024 -
29-10-2024 -
Cultura

A Violonchelista de Fene protagoniza un selo especial de Correos adicado á Arte Urbana

O mural “A Violonchelista de Fene”, situado no número 64 da Rúa da Fraga de Fene, será o protagonista dun selo especial dentro da serie “Arte Urbano 2024 de Correos. A tirada, de 70.000 follas bloque, sairá á venda o vindeiro 5 de novembro, cun valor postal de 4,60 €, permitindo que esta obra se converta en parte do patrimonio filatélico do Estado.
Ver máis
28-10-2024 -
28-10-2024 -
Fene ao día

Fene acolle a primeira parada do I Congreso de Turismo “Degusta Coruña”, organizado pola área de Turismo da Deputación da Coruña

Degusta Coruña, o I Congreso de Turismo organizado pola área de Turismo da Deputación da Coruña, comezou hoxe a súa andaina en Fene, enmarcado na iniciativa “A provincia que sabe”. Esta proposta busca reivindicar a excelencia da cadea agroalimentaria provincial a través dun percorrido por distintos concellos, onde se dá visibilidade a produtos locais, empresas de transformación, distribuidoras e establecementos hostaleiros que traballan con parámetros de sostibilidade e de calidade.

A concelleira de Turismo de Fene, Ángeles Coira, participou na primeira actividade da xornada, unha visita á Confraría de Barallobre, onde destacou “a importancia de eventos como Degusta Coruña para a posta en valor de Fene como destino turístico”, e subliñou o papel central da gastronomía na creación dun turismo de calidade, sostíbel e respectuoso co medio.
Este Congreso, que percorrerá diferentes municipios da provincia até o mércores, busca afortalar e promover a gastronomía galega como parte da súa oferta turística, apostando pola calidade e o compromiso co territorio.
 
 
Ver máis
1234567...319 320 >>