Fene ao día

Novas

  • ADEGA inaugura en Fene a exposición “50 anos coidando a terra” e fai balance das loitas ambientais na comarca

    18-09-2026 -
    Fene ao día

    A Asociación para a Defensa Ecolóxica de Galiza (ADEGA) inaugurou este venres, 18 de setembro, en Fene a exposición "50 anos coidando a Terra", unha mostra itinerante coa que a organización percorre cinco décadas de ecoloxismo galego e das loitas ambientais nas que participou ao longo deste tempo.

    O acto, celebrado na praza do alcalde Ramón José Souto González, foi conducido por Antón Muñiz, membro da directiva de ADEGA-Ferrolterra, e contou coa participación da alcaldesa de Fene, Sandra Permuy, e a presenza de colectivos compañeiros de loitas como a Asociación Etnográfica da Natureza de Maniños (AEDNA). A mostra, que chega a Fene grazas ao apoio do concello, poderá visitarse nesta praza ata o vindeiro 29 de setembro. 






  • Fene ultima os preparativos para unha nova edición do Fene Rock

    18-09-2026 -
    Cultura

    O barrio de San Valentín prepárase para vivir desde esta noite unha nova edición do Fene Rock, unha das citas musicais máis consolidadas do municipio. A alcaldesa, Sandra Permuy, e o concelleiro de servizos, Adán Chao, achegáronse nas últimas horas ao recinto para avaliar xunto coa organización o desenvolvemento da montaxe e ultimar a coordinación dos medios municipais necesarios para a celebración do festival.
    O Concello de Fene mantén un ano máis unha estreita colaboración coa organización, tanto a través dunha subvención nominativa de 11.000 euros como do apoio loxístico necesario para facer posible un evento destas características. A implicación municipal inclúe a colaboración do persoal da área de servizos, medios materiais e tarefas de limpeza e acondicionamento do recinto antes, durante e despois da celebración.

  • Horarios tempada 2026/2027 nos pavillóns municipais

    18-09-2026 -
    Deporte

    Unha vez rematado o prazo de solicitudes para  esquipos Federados inscritos no rexistro municipal de entidades de Fene, a Concellería de Deportes publica os horarios concedidos nos pavillóns da Xunqueira e O Ramo para a tempada 2026/2027.

    A partir do luns 21 de setembro e até o día 26 os equipos, clubs de fóra de Fene e particulares poden solicitar as horas libres que quedaron. Para isto deberán cubrir as follas de solicitude achegadas e entregala por rexistro (tanto presencial como telemático) nos prazos previstos.

Ver máis

Axenda

Ver máis