Data 29-09-2018
O Concello de Fene, a través da Concellería de Promoción Turística, e en colaboración coa AVV de Magalofes propón a veciños e visitantes participar este sábado, 29 de setembro, na Ruta dos Muíños. Guiada por Manuel Pico, inclúese no programa Fene Vivo Vén a Magalofes e con ela búscase dar a coñecer e pór en valor este importante patrimonio da parroquia, noutrora un modo de vida para moitos veciños e veciñas. Non é preciso inscrición previa e o itinerario, duns cinco quilómetros, é apto para nenos e maiores.