Data 21-04-2017
O contador de historias Anxo Moure, tamén coñecido coma Carballo con Botas, achégase este venres ao Concello de Fene montado na súa Titiricleta. A actividade encádrase no programa Ler Conta Moito.
- Lugar: Biblioteca Municipal Xosé María Pérez Pallaré.
- Horario: 18.00h.
- Público: nenos/as de entre 5 e 12 anos
- Entrada: de balde ata completar aforo
Desta vez, o Carballo con Botas ven cargado cos seus teatriños e unha chea de monicreques ao lombo. Os bonecos naceron do traballo de mulleres integrantes de cooperativas de comercio xusto en Bangladesh. A través deles, Moure relata contos e aventuras por lugares fantásticos da India, Guatemala ou a propia Bangladesh. Son historias cheas de mensaxes a favor da paz.
Esta actividade formou parte da iniciativa "Contos solidarios" que o propio Anxo Moure puxo en marcha para recaudar fondos e financiar a compra de bicicletas e material escolar que foron enviados a distintas cooperativas en países de Latinoamérica, Asia ou África.