CONCELLERÍA DE SERVIZOS SOCIAIS
O Concello organiza este venres unha nova sesión do programa de ocio educativo In Fene
26-02-2015
O Concello de Fene organiza este venres, 27 de febreiro, unha nova sesión do programa de ocio educativo “In Fene”, incluído no proxecto municipal “De peques a maiores: compartindo espazos” que pon en marcha a Concellería de Servizos Sociais coa colaboración económica da Deputación provincial da Coruña.Terá lugar no local da AVV de Perlío a partires das 16,30 horas. Esta sesión, dirixida a nenos e nenas de entre 11 e 14 anos, levará por título “De Película” e incluirá un cinexogo, actividades de sombras chinesas ou de doblaxe. A participación é completamente gratuíta.