CONCELLERÍA DE PERSOAL, SEGURIDADE, FORMACIÓN E EMPREGO
O servizo de orientación informa da ampliación de idade máxima de acceso ao programa de garantía xuvenil
04-08-2015
A Recomendación sobre a Garantía Xuvenil, desde o día 30 de xullo de 2015, establece que os mozos e mozas menores de 30 anos poidan recibir unha oferta de emprego, de educación ou formación tras finalizar os seus estudos ou quedar desempregados/as.O procedemento de inscrición é telemático no seguinte enderezo electrónicon http://www.empleo.gob.es/es/garantiajuvenil/darsedealta.html
Si cumpres os seguintes requisitos é importante que te rexistres, porque para participar en diferentes programas como ESCOLAS OBRADOIRO ou na convocatoria de PRÁCTICAS NON LABORAIS EN EMPRESAS é requisito estar inscrito no ficheiro dos sistema nacional de garantía xuvenil no ámbito da Comunidade Autónoma de Galicia.
PODEN SER BENEFICIARIOS OS MOZOS E MOZAS QUE CUMPRAN OS SEGUINTES REQUISITOS:
- Estar empadroado en calquera localidade do territorio nacional español.
- Ter máis de 16 anos e menos de 30, no momento de solicitar a inscrición no Ficheiro do Sistema Nacional de Garantía Xuvenil.
- Non ter traballado nos 30 días naturais anteriores á data de presentación da solicitude.
- Non ter recibido accións educativas que leven consigo máis de 40 horas mensuais nos 90 días naturais anteriores á data de presentación da solicitude.
- Non ter recibido accións formativas que leven consigo máis de 40 horas mensuais nos 30 días naturais anteriores á data de presentación da solicitude.
- Presentar unha declaración expresa de ter interese en participar no Sistema Nacional de Garantía Xuvenil, adquirindo un compromiso de participación activa nas actuacións que se desenvolvan no marco da Garantía Xuvenil.