CONCELLERÍA DE CULTURA
O club de prensa de Ferrol presenta no Museo do Humor de Fene as caricaturas de José Cao Luaces
04-09-2015
O Club de Prensa de Ferrol é o responsable e propietario desta mostra que organizou en 2014 con motivo da celebración do XVII Curso de Pensamento Carlos Gurméndez, edición que xirou en torno ao “Humor e ideoloxía en tempos convulsos». A exposición recolle unha completa selección de caricaturas das distintas etapas do autor.José Cao Luaces (1862-1918) foi un caricaturista galeguista que desenvolveu a súa carreira no exilio, en Bos Aires. Os seus debuxos, cheos de ironía, publicáronse en xornais e revistas como Don Quijote, El eco de Galicia, La Bomba ou Caras y caretas. A súa obra foi máis recoñecida en Arxentina ca en Galicia, sendo Luis Seoane o primeiro intelectual que salientou a Cao Luaces coma un dos primeiros grandes caricaturistas galegos.