CONCELLERÍA DE CULTURA E ENSINO
Exposición "Se chove que chova", organizada polo CEIP de Centieiras, no salón de plenos da Casa do Concello
21-03-2016
Nunha segunda etapa deste proxecto, “o interese polo mundo fotográfico incentivouse coa visita a exposicións desta manifestación artística”. Entre elas, á exposición “Metáforas visuais” de Román Montesinos, que se amosou no Museo do Humor de Fene ao longo do mes de febreiro.E, xa por último, o mércores desta semana inaugurouse no salón de plenos da Casa do Concello –con presenza do alcalde de Fene, Juventino Trigo, e da concelleira de Cultura e Ensino, Amalia García- a exposición “Se chove que chova”, cunha selección de fotografías elexidas polos 72 alumnos e alumnas de Educación Infantil do centro.
Por temática, a exposición divídese en varios apartados, BOTAS, CHARCOS, EMOCIÓNS, PARAUGAS, CALCETÍNS, CHOCOLATADA, PINTAR, PEGAR..., “que aglutinan os principais intereses tanto artísticos como de aprendizaxe das nenas e nenos protagonistas”. Tanto o agrupamento por temas coma os títulos das pezas expostas, así como a elaboración do catálogo da mostra, é froito do alumnado de Educación Infantil de Centieiras.