CONCELLERÍA DE IGUALDADE E BENESTAR
O grupo de Construíndo Pontes despídese pero con data de inicio fixada
19-05-2016
Tal e como vimos contando neste web, as persoas participantes neste obradoiro realizaron dez sesións dende o mes de marzo, nas que recolleron información de como a chegada da electricidade e dos novos medios de comunicación foi mudando a vida cotiá e as costumes das persoas de Fene. Será nos meses de outubro a decembro cando este proxecto de recuperación de memoria histórica se dé a coñecer aos centros educativos de Fene buscando así o encontro interxeracional. Estas actividades e experiencias teñen por finalidade para as persoas que se atopan na madurez gozar dun tempo de lecer activo e satisfactorio, contribuíndo a visibilizar a imaxe social das persoas maiores e proporcionar ás persoas adultas claves e oportunidades para acadar un envellecemento activo e satisfactorio.Para calquera información dirixirse a:
Centro Municipal de Servizos Sociais - Area de Benestar Social e Igualdade
Avda.do Mar, Bloque 1, Baixo - San Valentín
Teléfonos: 981.492.706 / 981 342607
Caixa electrónica: servizos.sociais@fene.gal