CONCELLERÍA DE CULTURA E ENSINO
O xoves 6 de outubro abre o prazo de inscrición á pobación en xeral para as escolas e obradoiros culturais
05-10-2016
Como novidades, a Concellería de Cultura e Ensino organiza tamén obradoiros de fotografía (“Fotografía con móvil e cámaras compactas”, “Obradoiro de saídas fotográficas”, “Proxecto fotográfico. Iniciación” e “Storytelling Audio+Foto”), de artes escénicas e oratoria (“Obradoiro de monólogos e recursos cómicos en galego” e “Obradoiro de técnicas básicas para falar en público”) e unha nova escola que ten como obxectivo aprender a mirar as artes plásticas e a arquitectura de xeito divertido (“Un paseo polas artes”).Segundo informan dende a Concellería de Cultura, as actividades só se realizarán se se cubren o 60 % das prazas ofertadas. Neste senso, e en base á matriculación rexistrada, o Concello de Fene publicará o 14 de outubro no taboleiro do pavillón polideportivo da Xunqueira e nesta páxina web un listado das escolas que entrarán en funcionamento no curso 2016/2017.
A inscrición nas distintas actividades formalizarase os días 6 e 7 de outubro nas dependencias administrativas do pavillón “A Xunqueira” de San Valentín. O horario de atención ao público será de 8:30h a 14:00 h. (todos os días) e de 16:00 h a 19:00 h o xoves 6 de outubro.