O 25 de maio o salón de Plenos do Concello acollerá o encontro Networking&Negocios
16-05-2017
A data límite para inscribirse é o 22 de maio
A asociación de Xóvenes empresarios de Ferrolterra, Eume e Ortegal organiza o 25 de maio en colaboración co Concello de Fene e a asociación de comercio, hostaleria e servizos de Fene "O Cruceiro", un encontro NETWORKING&NEGOCIOS.
O encontro diríxese tanto a autónomos como a pequenas e medianas empresas que teñan interese en ampliar a súa rede de contactos profesionais. Neste fomentarase a participación de novas empresas.
As persoas participantes presentarán en 2 minutos o seu negocio, de tal forma que sirva como espazo para intercambiar información, xerar ideas, crear sinerxías ademais de ofrecer a posibilidade de crear novos contactos con persoas que se atopan na mesma situación.
O encontro permitirá
· Incrementar o coñecemento EMPRESARIAL da comarca e as iniciativas que están a levar a cabo outras empresas.
· Dar a coñecer de forma efectiva e directa a outros empresarios abertos a facer networking.
· Ampliar a rede de contactos
Inscricións en aje@cofernet.com / 981333322