Convocatoria do XXI Concurso de Humor Gráfico “Curuxa do Humor 2017”
16-02-2017
A Alcaldía, mediante resolución núm. 171 do 14 de febreiro de 2017, procedeu á aprobación das bases da convocatoria do XXI Concurso de Humor Gráfico “Curuxa do Humor 2017”.
CATEGORÍAS E PARTICIPACIÓN
- Na categoría CURUXA, calquera persoa maior de 25 anos residente no Estado español.
- Na categoría CURUXA-NOVA, calquera persoa de até 25 anos residente no Estado español. As persoas menores de 25 anos poderán participar na categoría xeral, CURUXA, extremo que implica a renuncia á categoría CURUXA-NOVA.
Aos efectos de cómputo de idade, tomarase a idade do/a participante na data na que se publique a convocatoria
no BOP.
Os/as participantes poderán presentar un só debuxo.
TEMÁTICA
As obras presentadas serán de temática libre. Humor gráfico nas súas modalidades mudo, texto ilustrado ou viñeta.
CARACTERÍSTICAS DOS DEBUXOS A CONCURSO
- As obras presentadas a concurso deberán ser de creación propia e inédita.
- Presentaranse en formato papel, mesmo no caso de traballos realizados dixitalmente (impresión de alta calidade).
- A dimensión máxima do debuxo será de 29,7x42 cms (A3).
- Non se admitirán fotocopias nin gravados.
PRAZO DE PRESENTACIÓN
Desde a data de publicación das bases na web municipal até as 23.59 horas do día 30 de maio de 2017
PREMIOS
Categoría CURUXA (maiores de 25 anos)
- 1.º premio, dotado con 2.000 euros e diploma
- 2.º premio, dotado con 1.500 euros e diploma
Categoría CURUXA-NOVA (menores de 25 anos)
- 1.º premio, dotado con 1.000 euros e diploma
- 2.º premio, dotado con 500 euros e diploma