Proba rápida a persoas con prácticas de risco
03-05-2017
A Concellaría de Benestar Social e Igualdade e a asociación Aseduc organizan este luns 8 de maio, unha nova actividade sobre o VIH Sida.
No Centro Municipal de Servizos Sociais do Concello (Avda do Mar, Bloque 1, Baixo, San Valentín), en horario de 11:00 a 13:00 h., realizarase a proba rápida a persoas con prácticas de risco.
Esta actividade está incluida no programa INFÓRMATE…PERDE O MEDO, un proxecto de loita, acompañamento, prevención, información… do VIH, Sida naqueles lugares máis rurais e que menos capacidade teñen para ser beneficiarios deste tipo de actuacións.
Os obxectivos do programa son mellorar a información, formación e prevención do VIH, concienciar das vantaxes do uso do preservativo, formar a pares e voluntarios mantendo a perspectiva de xénero, ter o impacto necesario nos medios de comunicación…