Novas
-
Vacacións en paz 2026
Un ano máis o Concello de Fene fai un chamamento a todas aquelas familias que desexen e podan acoller temporalmente na súa familia a menores do Campamento de Tindouf durante os meses de xullo e agosto de 2026.
As familias interesadas disporán de todo o apoio e asesoramento que precisen para poder exercer este acollemento a través da asociación, Asociación Solidaridade Galega co Pobo Saharauí, que xestiona o programa. O Concello de Fene sufragará os gastos derivados das viaxes dos nenos e nenas que sexan acollidos por familias deste Concello.
-
Febreiro arrincou coa primeira sesión do Proxecto Indira
Coa presenza da alcaldesa de Fene, Sandra Permuy, e o Concelleiro de Benestar Social, Manuel Polo Gundín, onte deu comezo o Proxecto Indira. Un espazo de encontros semanais para mulleres no que se abordarán diferentes temas e actividades relacionados co desenvolvemento persoal e a saúde en todas as súas dimensións.
Nesta edición participan 19 mulleres. Traballarán o autocoñecemento e o autocoidado, a consciencia corporal, conectarán a través das vivencias de cada muller participante fortalecendo a consciencia como persoas de dereito e respecto. Poñerán en práctica ferramentas que lles permitan unha mellor xestión das emocións, aumentar a sensación de comprensión, apoio e coidado de cara a empoderar as dimensións como persoa: mental, física e emocional.
-
Concentración de condea e rexeitamento polo asesinato por violencia machista
Dende a Concellaría de Benestar Social e Igualdade do Concello de Fene, convócase para hoxe martes 3 de febreiro 2026 ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo ASASINATO MACHISTA acontecido onte en Mos (Pontevedra).
MARÍA BELÉN
de 52 anos
Agradecemos de antemán a vosa asistencia como xesto de condea, repulsa e solidariedade.
