Volve o Atletismo Divertido
16-03-2018
As xornadas levaranse a cabo de 10:00 a 13:00 horas
O Concello de Fene ten previsto organizar as Xornadas de Atletismo divertido escolar os días 22 e 23 de marzo. As xornadas levaranse a cabo de 10:00 a 13:00 horas.
As actividades e a metodoloxía a empregar permitirán que o alumnado participe en todo momento nalgunha das estación deportivas que lles permitirán coñecer este deporte, agás no descanso para a merenda.
As datas previstas son as seguintes:
22 de marzo (xoves): CEIP Os Casais – CPI A Xunqueira - CEIP Centieiras
23 de marzo (venres):–- CEIP O Ramo. – Colexio Jorge Juan
Lugar de realización:
No caso de bo tempo estas xornadas realizaranse no campo de fútbol de céspede artificial dos Pinares (Perlío). No caso contrario terán lugar no pavillón polideportivo da Xunqueira.
Desenvolvemento das xornadas:
Esta é unha unha xornada deportiva na que se realizarán diversas probas nun circuito continuo de xeito que todo o alumnado participe simultáneamente nas diferentes actividades, para que todos os nenos e nenas poidan coñecer de forma práctica as diferentes modalidades do altletismo dun xeito divertido: carreiras, lanzamentos, saltos, ....
Non se tomarán anotacións das diferentes marcas ou tempos realizados, para que o alumnado perciba estas xornadas dun xeito lúdico e non competitivo.
As actividades a realizar son :
Salto lateral
Lanzamento de precisión (de 1º a 3º)
Lanzamento de peso (De 4º a 6º)
Gymkana
Lanzamento de xabelina
Salto de lonxitude
Carreiras de velocidade: 60 mts. (de 1º a 3º)
60 mts vallas (de 4º a 6º)
Relevos: 4 x 80 mts.
O Concello farase cargo do transporte do alumnado e profesorado responsable dende os respectivos centros de ensino ata o lugar de realización, así como da organización das probas.
O día anterior á realización de cada unha das xornadas, o persoal municipal comunicará aos responsables dos centros de ensino o lugar fixo de realización, dependendo da climatoloxía.